Matta 21:26 - Dadiya NT

²⁶ Na bǝ sʊwa bǝngɔ, ‘A jel a daa nǝfili woi,’ bǝ nyʊwa taal lɛ jʊ nǝfitʌmɔ maa bǝm lɛɨ, jʊ a bwɨɨ nǝbɔ gwam a do Yohana n nǝkuwotǝmkǝga.”

Matta 21:26 Referans Kwoze

Markus 6:20

Jʊ a bwɨɨ, Hiridus nyʊwa taal Yohanaɨ lɛ, kɨla gǝn nɛ dangǝn. A nyǝm gɔ Yohana n nǝfili dǝngdǝng, n nǝ sagsag. Na kwama nɨ Yohana a sʊwa Hiridus kɛlɨ, gǝ kom gǝn kom sul, gǝ nyʊwa nyʊwa lǝma nyʊwatǝm kɛl Yohanaɨ kwangkwang.

Yohana 5:35

Yohana n fitila nɨ ja lɛ nǝn nyalǝmɨ. Jǝ́ jǝla jǝ́ maa fulotǝm nǝl nǝn nyalǝm gǝnɔ a mʊgɔ kumɔ dǝm.

Matta 21:46

Jǝ swɨ lɛ ja ta gǝn sul, jǝ nyʊwa taal nǝbɨɨ lɛ, jʊ a bwɨɨ nǝbɔ a do gǝn gɔ n nǝkuwotǝmkǝga.

Matta 14:5

Hiridus swɨ lɛ a jʌ Yohana sul, nyʊwa taal nǝbɨɨ lɛ, jʊ a bwɨɨ nǝbɔ a do gɔ Yohana n nǝkuwotǝmkǝga.

Matta 11:9

N wɛ jǝ́ yɔ dʌngtǝmɨ? N nǝkuwotǝmkǝga ka? N bɨlǝngǝn mǝ sʊwa jen nɛɨ, a laa nǝkuwotǝmkǝga.

Maajɨ Bɛtɔ Twamagɨɨ 5:26

Nǝngɔ nǝ dʊʊ nǝb tɔɔtǝm Kan Kwaamanɔ jǝbɔ nǝb dʊʊmɔ ya ja bɛ nǝn bɛtɔ twamagɨɨ. Ja bɛ nǝn ji a jǝlatǝm ji, jʊ a bwɨɨ, jǝ sa lɛ gɔ ka nǝbɔ a jʌbo ji nǝn malatǝm tɛl.

Yohana 9:22

Tɛtǝlam gǝnɔ a sʊwa nyɔ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Yahudawagɔ a kwɛl a kiyo kiyoi gɔ pʌd nʊ nɨ a sʊwa gɔ Yesu nǝn Kiristii, jǝ kaa gǝn kaa a kan mɛlalɨ jin.

Luka 22:2

Dʊʊm nǝbkǝlamɔ jǝbɔ nǝb mɛlalɨ diilɔ jǝ saa gola nɨ lɛ jǝ jʌm gǝn nɛ daddadɨ. Jǝ swɨ lɛ jǝ maa nyɔ jʊ a bwɨɨ jǝ nyʊwa taal nǝbɨɨ lɛ.

Luka 20:19

Nǝb mɛlalɨ diilɔ jǝbɔ dʊʊm nǝbkǝlamɔ ja nyǝm Yesu a sʊwa mʊsǝn kɛl nɨ a dul jini, n jʊ a bwɨ jǝ swɨ lɛ ja ta Yesu tʌgo a kangɨ. Ja ta gǝn bɔ jʊ a bwɨɨ jǝ nyʊwa taal nǝbɨɨ lɛ.

Luka 20:6

Na bǝ sʊwa bǝngɔ a jel a daagɔ nǝfili woi, nǝb nɨ gwam mala bǝn mala nǝn tɛl sǝ ja jʌ bǝn, jʊ a bwɨɨ nǝbɔ gwam a jǝla gɔ Yohana n nǝkuwotǝmkǝga.”

Markus 12:12

Dʊʊm Yahudawagɔ a nyǝm gǝ sʊwa mʊsǝn kɛl nɨ a dul jii, nǝngɔ ja saa gola nɨ lɛ jǝ tam gǝn nɛɨ. Jǝ nyʊwa taal nǝbɨɨ lɛ, nǝngɔ ja bǝla gǝn a shui.

Markus 11:32

Bǝ sʊwa bǝngɔ a jel a daagɔ nǝfili woi ka?” (Jǝ nyʊwa taal jʊ nɨ lɛ nǝbɔ maa jim lɛɨ, jʊ a bwɨɨ nǝbɔ a kwɛl a do gǝn gɔ, Yohana n nǝkuwotǝmkǝga.)

Matta 21:11

Nǝngɔ nǝb nɨ bwang Yesu gǝm lɛɨ, ja sʊwa gɔ, “Nʊ nɨ nǝn Yesu nǝkuwotǝmkǝga nɨ a Nazarat a tǝm Galilii.”

Matta 21:25

Fɔlɔn yʊtǝm mwɛ sagsag Yohanaɨ a jel a fee? A jel a daa Kwaama woi ka? A jel a daa nǝfili woi ka?” Nǝngɔ jǝ sʊwaka lɛ a bʊtɔ ji daddad gɔ, “Na bǝ sʊwa bǝngɔ a jel a daa Kwaama woi, sʊwa sʊwa gɔ, ‘N wɛ a bwɨ jǝ́ nǝ bɔ bɨlǝngkɛl nǝn gɨɨ?’

Matta 21:27

Nǝngɔ ja jǝla Yesu gɔ, “Nǝn nyǝm bɔ.” Nǝngɔ a sʊwa ji gɔ, “Mǝ tǝmɨ mɨsɔ mǝ sʊwa jen fɔlɔn nʊ nɨ lɛ mǝ maam kanjǝl nɨ lɛ nǝnɨ.