Matta 21:23 - Dadiya NT

²³ Yesu a dɔ Kan Kwaamanɨ, a mʊgɔ maatǝm mɛlalɨ, nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ja bɛ a daa gǝ woi, ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”

Matta 21:23 Referans Kwoze

Maajɨ Bɛtɔ Twamagɨɨ 4:7

Nǝngɔ ja dǝg Bitrus jǝbɔ Yohana a tɨ a tɨbǝl jini. Nǝngɔ ja bʌ ji gɔ, “N kwaan woi jǝbɔ dun woi jǝ́ maa maajɨ nɨ lɛ nǝnɨ?”

Luka 19:47

Maa mɛlalɨgɔ lɛ kum jǝbɔ kum a Kan Kwaaman. Dʊʊm nǝbkǝlamɔ jǝbɔ nǝb mɛlalɨ diilɔ jǝbɔ nǝb dʊʊm nǝbɨɨ jǝ saa lɛ ja jʌ gǝn.

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Maajɨ Bɛtɔ Twamagɨɨ 7:27

“Nǝngɔ nʊ nɨ nyʊwa kɨla gɔ gǝm lɛɨ, a tʊng Musa a kelii. A sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borang a kʊm nǝnɨ?

Matta 21:24

Nǝngɔ Yesu a jǝla ji gɔ, “Mǝ tǝmɨ mǝ nǝn kɛl nɨ mǝ bʌ jen nɛɨ, na jǝ́ jǝla bʌtʌm kɛl mǝndɨ dǝngdǝngɨ, mǝ sʊwa jen sʊwa fɔlɔn nʊ nɨ mǝ maam jʊtǝb nɨ lɛɨ.

Matta 24:1

Nǝn kwama Yesu a jelʌm a Kan Kwaaman shu lɛɨ, nǝngɔ bɛtɔ mɛlalɨ gǝnɔ a bɛ daa gǝ woi, ja nʊng gǝn kantɨnɔ ja mɔba a mʊgɔ talɨ Kan Kwaamanɨ.

Luka 20:1

Kaa di Yesu a dɔ Kan Kwaamanɔ, maa mɛlalɨ lɛ, kiyo fulon kɛl lǝmɨgɔ lɛ. Nǝngɔ dʊʊm nǝbkǝlamɔ jǝbɔ nǝb mɛlalɨ diilɔ dakini jǝbɔ nǝb dʊʊmɔ ja bɛ nǝn dɔɔm a daa gǝ woi,

Matta 20:4

Nǝngɔ a sʊwa ji gɔ, ‘Jǝ́ yɔ tʌjen a tɔtwam mɨ ya jǝ́ maa maajɨgɔ, mǝ ywa jen ywa dǝngdǝng jʊ jǝ ywa lɛɨ.’