Matta 21:21 - Dadiya NT

²¹ Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.

Matta 21:21 Referans Kwoze

Yakubu 1:6

Bɛ ga kel nǝn nǝtǝm bɨlǝngkɛl, mɨ nyǝmatǝm wo, jʊ a bwɨɨ, nǝ nyǝmatǝm gǝ na na mwɛ nɨ mʊla lɛ a wɨmaɨ, wʊnɨ yʊwagɔ gung lɛ yǝla lɛ nǝn gɔ kanga swɨm lɛɨ.

Matta 17:20

Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

Matta 8:12

Nǝb nɨ na yǝlam nǝb fɔlɔn lɔ Kwaamaɨ lɛ ja kɔɨ, jǝ mal ji mal a mʊgɔ kumtojili, a daa nɨ jǝ jim wi lɛ jǝbɔ kʊʊtǝm nungʌni.”

Matta 21:20

Bɛtɔ mɛlalɨ gǝnɔ ja kuwo nyɨɨ ja ta kang a nyiyo. Jǝ sʊwa lɛ gɔ, “A maa nyǝn tɨya dʌfeng nɨ a swamǝm tʌgo a kangɨ?”

Matta 14:29

Nǝngɔ Yesu gɔ, “Bɛ.” Nǝngɔ Bitrus a gǝla a dʌbʌl tɨyamwɛng a tǝl yɔmɔ a dʌbʌl mwɛɨ, yilo a daa Yesu woi.