Biblia Todo Logo
Bib sou entènèt

- Piblisite -




Matta 21:19 - Dadiya NT

19 A kuwo kaa tɨya dʌfengɔ a kʌng golaɨ, nǝngɔ a yɔ a daa tɨyagɔ woi, a nya bɔ tʊʊl wo, ka langǝn. Nǝngɔ a lag tɨyagɨɨ gɔ, “Mɨsɔ mʊ tʊʊ tʊʊl lɛ wo tag.” Tʌgo a kang tɨyagɔ a swamǝm.

Gade chapit la Kopi




Matta 21:19
17 Referans Kwoze  

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.


Na nʊ nɨ a yɨ bɔ a mʊgɔ mɨɨ, gǝ na na kang tɨyang nɨ ja mam fʌlen sǝ a kʊshɨɨ. Nǝbɔ gɔ mʊr ji mʊr, sǝ a mal a mʊgɔ kǝla, sǝ a twɨm ji.


Ja kwɛl ja swa swaɨ twanɔ a jʌng tɨyantɨnɔ gǝm. Tɨya nɨ gwam a tʊʊ bɔ tʊʊl nyaɨ, jǝ mwatɨ gǝn ja mal a mʊgɔ kǝla.”


Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.


Nǝngɔ a sʊwa dʌfengɔ gɔ, “Ka kaa nǝl ya ja lɛ tʊʊl mʊnɔ wo tag!” Bɛtɔ mɛlalɨ gǝnɔ a nyʊwa jʊ nɨ a sʊwaɨ.


Bɛ nʊ nɨ maa jʊ nɨ lɛ a bʊm bɨɨ, a ja kǝga nǝn maatǝmɔ. Bɛ nʊ nɨ maa jǝ yaalɨ lɛɨ, a ja kǝga nǝn maatǝmɔ. Bɛ nʊ nɨ maa jʊ nɨ lɛ dǝngdǝngɨ, a ja kǝga nǝn maatǝmɔ. Bɛ nʊ nɨ n nǝ sagsagɨ, a ja kǝga nǝn yɨm sagsagɔ.”


Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.


Jǝ nǝngǝn nǝn duuli sagsag. Ja kɔ kwaan dʊʊn gǝnɔ wʊnɨ dǝg ji lɛ ja yǝlam sagsagɨɨ. Bɛ ń tɨ a kʊta kʊtaɨ a daagɔ nǝb nɨ woi.


Bɛtɔ mɛlalɨ gǝnɔ ja kuwo nyɨɨ ja ta kang a nyiyo. Jǝ sʊwa lɛ gɔ, “A maa nyǝn tɨya dʌfeng nɨ a swamǝm tʌgo a kangɨ?”


Nǝn kumsʌl, jǝ shu lɛ nǝngɔ ja kuwo tɨya dʌfengɔ a swam a jʌng gǝnɨ.


Swiv nou:

Piblisite


Piblisite