Matta 21:15 - Dadiya NT

¹⁵ Dʊʊm nǝbkǝlamɔ jǝbɔ nǝb mɛlalɨ diilɔ ja kuwo jǝ laatǝm kang nɨ ga maaɨ, jǝbɔ bɛtɨ gung diilɔ lɛ a Kan Kwaaman jǝ sʊwa lɛ gɔ, “Bǝlátǝmɔ na a Bʊla Daudaɨ,” nǝngɔ ja nyʊwa nabwɨlɨ.

Matta 21:15 Referans Kwoze

Matta 21:9

Nǝb nɨ a kǝga gǝnɨ jǝbɔ nǝb nɨ bwang gǝm lɛ a guli, ja gung diilɔ jǝ sʊwa lɛ gɔ, “Bǝlátǝmɔ n dǝngdǝng a dul bʊla Daudaɨ! Bwiligɔ na a nʊ nɨ bɛ lɛ a dun Tɛlalɔɨ! Bǝlátǝmɔ na a Kwaama dʌbʌli!”

Yohana 12:19

Nǝngɔ nǝbɔ Farisaɨ sʊwaka lɛ a bʊtɔ jin gɔ, “Jǝ́ dʌng, mɨ bǝ nya jatǝm kǝga lɛ. N wo yooligɔ gwam bwang gǝm lɛɨ.”

Yohana 11:57

Ja bʌ jʊ nɨ, jʊ a bwɨɨ dʊʊm nǝbkǝlamɔ jǝbɔ nǝbɔ Farisaɨ ja kwɛl ja ga diil gɔ gwam nʊ nɨ a nyǝm daagɔ Yesu woi, a bɛ ba sʊwa ji, sǝ jǝ ta gǝn.

Yohana 7:42

Mʊlalɨ kɛl Kwaamaɨ a sʊwa gɔ, ‘Kiristi jel a dʊʊm Daudaɨ, ja bʌ gǝn a Baitalami, a bɛ tuulɔ nɨ Dauda a yɨmɨ, mɨ nyɔ ka?’ ”

Yohana 4:1

Nǝbɔ Farisaɨ a nyʊwa gɔ Yesu nya nǝb mɛlalɨgɔ lɛ, yʊ nǝbɔ mwɛ sagsagɔ lɛ a laa a Yohanaɨ.

Luka 22:66

Tǝmsɛlɨ nǝngɔ mʊrkalɨ nǝb dʊʊm nǝbɨɨ jǝbɔ dʊʊm nǝbkǝlamɔ jǝbɔ nǝb mɛlalɨ diilɔ ja mʊrkaɨ, nǝngɔ ja yɔ nǝn Yesu a kǝga nǝb dʊʊm koteregɨɨ.

Luka 22:2

Dʊʊm nǝbkǝlamɔ jǝbɔ nǝb mɛlalɨ diilɔ jǝ saa gola nɨ lɛ jǝ jʌm gǝn nɛ daddadɨ. Jǝ swɨ lɛ jǝ maa nyɔ jʊ a bwɨɨ jǝ nyʊwa taal nǝbɨɨ lɛ.

Luka 20:1

Kaa di Yesu a dɔ Kan Kwaamanɔ, maa mɛlalɨ lɛ, kiyo fulon kɛl lǝmɨgɔ lɛ. Nǝngɔ dʊʊm nǝbkǝlamɔ jǝbɔ nǝb mɛlalɨ diilɔ dakini jǝbɔ nǝb dʊʊmɔ ja bɛ nǝn dɔɔm a daa gǝ woi,

Markus 11:18

Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.

Matta 27:20

Nǝngɔ dʊʊm nǝbkǝlamɔ jǝbɔ nǝb dʊʊmɔ a nǝ mʊrkalɨ nǝbɨɨ lǝma nyiyo gɔ ja kel Bilatus a dem kang a Barabas gǝm, a jʌ Yesui.

Matta 27:1

Nǝn kumsʌl butʌb, nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ja mʊrkam nyiyo a dul Yesui, sǝ jǝ jʌ gǝn.

Matta 26:59

Dʊʊm nǝbkǝlamɔ jǝbɔ nǝb dʊʊm koteregɔ pʌd, jǝ saa gola nɨ lɛ jǝ nya Yesu lɛ nǝn bwɨlangkɛlɨ, sǝ jǝ saa gola nɨ jǝ jʌ gǝn nɛɨ, ja nya bɔ gola.

Matta 26:3

Nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ba ja mʊrka a talɨ lɔ dʊʊn dalɨ nǝkǝlagɨɨ, dun gǝnɔ nǝn Kayafa.

Matta 22:42

“Bʊʊlalɨ jenɔ a nʊng nyǝn a dul Kiristii? Nǝn bʊla woi?” Nǝngɔ ja sʊwa gǝn gɔ, “Nǝn bʊla Daudaɨ.”

Matta 21:23

Yesu a dɔ Kan Kwaamanɨ, a mʊgɔ maatǝm mɛlalɨ, nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ja bɛ a daa gǝ woi, ja bʌ gǝn gɔ, “N fɔlɔn woi mʊ maa jǝ laatǝm kang nɨ lɛ nǝnɨ? Nuwo a nǝ ń fɔlɔn nɨɨ?”

Matta 9:27

Yesu bǝla daagɔ lɛɨ, nǝngɔ kaam kululʌmɔ yo ja bwang gǝm, jǝ jo jangajǝng lɛ nǝn kwaan jǝ sʊwa lɛ gɔ, “Yesu Bʊla Daudaɨ, ji bʊnǝn nǝnɔ!”

Matta 20:24

Tangǝn bɛtɔ mɛlalɨgɔ kʊb ja nyʊwa kɛl nɨ nyɨɨ, nǝngɔ ja kal nǝl nǝn kɛtǝlam jinɔ nɨ yoi.