Matta 20:8 - Dadiya NT

⁸ “Nǝn kwaamɨ, nǝngɔ nǝ tɔtwamɔ a sʊwa nǝ dʊʊgɔ gɔ, ‘Jo nǝb maajɨgɔ, ń ywa ji kemʌn maajɨ jinɔ, tǝl nǝn nǝb maajɨ kwaamɨgɔ dɨsɔ ń dɨl nǝn nǝb kumsʌlɔ.’

Matta 20:8 Referans Kwoze

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 10:7

Bɛ jǝ́ yɨ a mʊgɔ lɔ gɔ, jǝ́ ja lɛ, jǝ́ nɔɔ jʊ nɨ lɛ ja nǝ jeni, jʊ a bwɨɨ a la nyɔ ja ywa nǝ maajɨ gaalan gǝnɔ a maaɨ. Bɛ ka jǝ́ bwangtǝn nɛ lɔtɨnɔ gwam.

Luka 8:3

jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 25:19

“Jǝ daamɨ, nǝngɔ tɛlalɔ jwaalɛb nɨ a yǝla a bɛ sǝ ja kiyo gǝm jʊ ja maam nǝn kemʌni.

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’

Matta 20:9

“Nǝb nɨ a yɔ kemʌnɔ nʊ na kwaamɨɨ, gwam jinɔ a ywa ji kemʌn sǝlǝnɔ kanga gǝ ywam lɛ a kɔkɔɨ.