Matta 20:34 - Dadiya NT

³⁴ Yesu a ji bʊnǝn jini, nǝngɔ a ke nu jini, tʌgo a kang jǝ kuwo daagɔ lɛ, nǝngɔ ja bwang gǝmɨ.

Matta 20:34 Referans Kwoze

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

Luka 22:51

Yesu a sʊwa ji gɔ, “Jǝ́ bǝla wo.” Nǝngɔ Yesu a do lɔl nʊ nɨ ja mwatɨɨ, a yǝla a swa tʌgoi.

Luka 7:13

Kwama Tɛlalɔ a kuwo nɔɔlɨ nɨɨ, nǝngɔ a ji bʊnǝn gǝnɨ, a sʊwa gǝn gɔ, “Bɛ ka ń ji lɛ wi.”

Markus 7:33

Nǝngɔ Yesu a do gǝn ja yǝla gwanga win a daa nɨ mɨ nǝb woi, a dǝga bawulitɨn kang gǝnɔ a mʊgɔ lɔl nʊ nɨ gǝmɨ, nǝngɔ a tɛɛ tuumi, a ke ben nʊ nɨɨ.

Matta 15:32

Nǝngɔ Yesu a jo bɛtɔ mɛlalɨ gǝnɔ a sʊwa ji gɔ, “Nǝb nɨ bʊna ɨ lɛ nyɔ, jʊ a bwɨɨ dwiyen kum jinɔ taal jǝbɔ mǝ, mɨ ji nǝn jǝjalǝn. Mǝ swɨ bɔ n ywa ji ja ja bɔ jǝl, kage ja gaa a gola.”

Matta 14:14

A jel a tɨyamwɛng a kuwo kʌm nǝbɨɨ a mʊrka a lada nyɨɨ, bʊnatǝmɔ a ta gǝn, a gung nǝb bɔɔlamɔ a kʊm jin.

Matta 9:29

Nǝngɔ a ke nu jini, a sʊwa gɔ, “A dul nǝtǝm bɨlǝngkɛl jenɔ gǝm, mǝ gung jen gung.”

Matta 8:15

Nǝngɔ a ke kang gǝnɨ nǝngɔ bɛshenigɔ a bǝla gǝnɨ. Nǝngɔ a gun a nǝ gǝn jǝjalǝnɨ.

Luka 18:43

Tʌgo a kang nu gǝnɔ a wumo, nǝngɔ a bwangtǝn Yesui, bǝlá Kwaamagɔ lɛ. Nǝbɔ gwam a kuwo jʊ nɨ, jǝ bǝlá Kwaamagɔ lɛ.

Matta 9:36

A kuwo mʊrkalɨ nǝbɨɨ a lada nyɨɨ, bʊnatǝmɔ a ta gǝn, jʊ a bwɨɨ jǝ nɔɔ gaalan nɛ, ja kwɨya tǝmɔ nǝn kwan, na kwamɨtɨn nɨ mɨ nǝ tɔɔtǝm woi.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Matta 20:33

Nǝngɔ ja sʊwa gǝn gɔ, “Tɛlalɔ, nǝn swɨ lɛ nǝn kuwo daa.”

Matta 21:1

Nǝn kwama Yesu jǝbɔ bɛtɔ mɛlalɨ gǝnɔ ba ja dwama Urushalimagɨɨ, ja bɛ a Betafaji a Yem Zaituni, nǝngɔ a twam bɛtɔ mɛlalɨ gǝnɔ yoi.