Matta 20:22 - Dadiya NT

²² Nǝngɔ Yesu a jǝla gɔ, “Jǝ́ nyǝm bɔ jʊ jǝ́ kela lɛɨ. Jǝ́ mwɨ mwɨ jǝ́ nɔɔ gaalan nɨ mǝ nɔɔ lɛɨ ka?” Nǝngɔ ja jǝla gǝn gɔ, “Nǝn mwɨ mwɨ.”

Matta 20:22 Referans Kwoze

Luka 22:42

a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Yohana 18:11

Nǝngɔ Yesu a sʊwa Bitrus gɔ, “Dǝgtǝn gulʌnɔ tʌgo a laa gǝnɔ gǝm. Mɨsɔ mǝ nɔɔ lɛ a mʊgɔ bɛ kʌshi gaalan nɨ Tɛtɛ a nɨ ɨ gɔ n nɔɔɨ ka?”

Markus 14:36

Sʊwa lɛ gɔ, “Tɛtɛ, Tɛtɛ, kanjǝlɔ gwam yǝlam nyɔ a daa mʊ woi. Dem mɨ gaalan nɨ. Maa jʊ mʊ swɨ lɛ ń maaɨ, ke bɔ jʊ mǝ swɨ lɛɨ, maa jʊ mʊ swɨ lɛɨ.”

Matta 26:39

A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Roma 8:26

Gǝ na nyɔ, Yʊwagɔ maa bǝm tɨkalɨ lɛ a mʊgɔ gɨyatǝm bǝnɔ gǝm. Bǝ nyǝm bɔ kanga bǝ maam keli lɛ dǝngdǝngɨ, Yʊwagɔ nǝn dul gǝn kela Kwaama lɛ a dul bǝn, a tǝnatǝm kɛltɨn nɨ mɨsɔ dwal lɛ a nʊngɨ.

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.

Luka 12:50

Mǝ nǝn mwɛ sagsag nɨ jǝ yʊ ɨ lɛɨ. Mɨ mǝ nǝn fǝbtǝm na a dɨ bɨɨ.

Matta 26:56

Jʊ nɨ gwam a bwɨ sǝ mʊlalɨ nǝbkuwotǝmkǝgagɨɨ a yii.” Nǝngɔ bɛtɔ mɛlalɨ gǝnɔ gwam ja mwala ja bǝla gǝnɨ.

Matta 26:35

Nǝngɔ Bitrus a jǝla gǝn gɔ, “Na jǝ jʌ i jʌ i jǝbɔ mʊɨ, mɨsɔ mǝ kana nyǝmtǝm mʊnɔ lɛ wo.” Nǝngɔ tangǝn bɛtɔ mɛlalɨgɔ a jǝla nyɨɨ.