Matta 19:22 - Dadiya NT

²² Bwayǝlɨ nɨ a nyʊwa nyɨɨ, nǝngɔ a shu nǝn kaltǝm nǝlɨ, jʊ a bwɨɨ n nǝ shilo dangǝn.

Matta 19:22 Referans Kwoze

Matta 6:24

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Afisa 5:5

Bɛ jǝ́ nyǝm, nǝ maatǝm bulon, jǝbɔ nǝ maatǝm bwɨlan, jǝbɔ nǝ wɛl (gɔ jǝbɔ nǝ bwangtǝm shom pʌd jǝ win), mɨsɔ jǝ dɔ fɔlɔn lɔ Kiristii lɛ jǝbɔ a Kwaamaɨ.

Markus 10:22

Nyʊwatǝm kɛl nɨɨ, kuli gǝnɔ a yal, a yɔ a shu nǝn kaltǝm nǝl, jʊ a bwɨɨ, n nǝ shilo dangǝn.

Matta 16:26

N wɛ nǝl nya lɛɨ, na nǝl a nya yooli nɨ gwam, a nya bɔ kʊlɨ gǝnɔ a lɔ Kwaamaɨ? Wɛ nǝl nǝ lɛ sǝ a yǝla a fʌto kʊlɨ gǝnɨ?

Luka 18:23

Nyʊwatǝm kɛl nɨɨ, nǝngɔ nǝ shilo nɨ a kal nǝl dangǝnɨ, jʊ a bwɨɨ n nǝ shilo dangǝn.

Matta 14:9

Fɔlɔgɔ a maa bwantǝm dangǝn, n kɛl dul swatǝm yaa nɨ ga maa a kǝga faabǝm gǝnɔ gǝmɨ, nǝngɔ a jǝla gǝmɨ.

Markus 6:26

Nǝl fɔlɔgɨɨ a kala dangǝn nǝn wɛɛlɨ nɨ gǝ kwɛl gǝ maaɨ, a swɨ bɔ a kǝl swatǝm yaa nɨ ga maa a kǝga faabǝm gǝnɔ gǝmɨ.

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 19:23

Nǝngɔ Yesu a sʊwa bɛtɔ mɛlalɨ gǝnɔ gɔ, “N bɨlǝngǝn mǝ sʊwa jen nɛɨ, bwa bwa sǝ nǝ shilo a nya dɔtǝm fɔlɔn lɔ Kwaamaɨ.

Yohana 16:20

N bɨlǝngǝn mǝ sʊwa jen nɛ, jǝ́ ji ji wi jǝbɔ kaltǝm nǝl. Yooligɔ nyʊwa nyʊwa fulotǝm nǝl. Jǝ́ maa maa fitǝm nǝl. Fitǝm nǝl jenɔ yǝlam fulotǝm nǝl.