Matta 19:21 - Dadiya NT

²¹ Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 19:21 Referans Kwoze

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 14:33

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

Maajɨ Bɛtɔ Twamagɨɨ 2:45

Jǝ miyo kʊla jinɔ lɛ jǝbɔ kanjǝlɔ jǝ nǝnɨ, nǝngɔ ja tǝga kemʌnɔ lɛ a kʊm jini. Nǝb nɨ mɨ nǝnɨ, ja nǝ ji kanga la jim lɛɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Luka 9:23

Nǝngɔ a sʊwa gɔ, “Na nǝl swɨ lɛ a bwang mɨɨ, bɛ ga kɔ dul gǝnɔ. Ga do tɨya kʊʊtǝm gǝnɔ kum jǝbɔ kum. Ga bwang mɨ.

Yohana 10:27

Kwamɨtɨn mɨɨ bwangtǝn jʊ nɨ lɛ mǝ sʊwa lɛɨ. N nyǝm ji, jǝ bwang mɨ lɛ tag.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Luka 16:9

Mǝ sʊwa jen nɛ, bɛ jǝ́ maa maajɨ nǝn shilo yooli nɨ sǝ jǝ́ nya fatǝm nǝn, sǝ na kanjǝl jenɔ a dɨɨ, jǝ yo jen yo a daa yɨm nɨ mɨ dɨtǝm woi.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Luka 6:40

Nǝ mɛlalɨ mɨ gǝ laa feyi gǝnɔ lɛ. Na nǝ mɛlatǝm nɨ a nyǝm jʊ ja mɛla gǝmɨ, yǝlam na feyi gǝnɔ.

Luka 5:27

A bǝmtǝnɨ, Yesu a jel nǝngɔ a kuwo kaa nǝ yotǝm kemʌn tǝmɨ, dun gǝnɔ nǝn Lawi, yǝm a daa yotǝm kemʌn tǝm. Nǝngɔ Yesu a sʊwa gǝn gɔ, “Bwang mɨ.”

Markus 8:34

Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 9:9

Yesu a yɔ a kǝgaɨ, nǝngɔ a kuwo kaa nǝl dunɔ nǝn Matta yǝm yo kemʌn tǝm lɛ. Nǝngɔ a sʊwa gǝn gɔ, “Bwang mɨ.” Nǝngɔ a gun a bwang gǝmɨ.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

Markus 2:14

Kwamagɔ shum lɛɨ, nǝngɔ a kuwo Lawii, bʊla Halfaɨ, yǝm a daa yotǝm kemʌn tǝm. Nǝngɔ Yesu a sʊwa gǝn gɔ, “Bwang mɨ.” Nǝngɔ a gun a bwang gǝmɨ.

Matta 8:22

Nǝngɔ Yesu a sʊwa gǝn gɔ, “Bwang mɨ. Bǝla bʌlʌntɨnɔ ya fʌl bʌlʌn jinɔ.”

Matta 4:19

Nǝngɔ Yesu a sʊwa ji gɔ, “Jǝ́ bwang mɨ, mǝ dǝg jen ya jǝ́ bɛ nǝn nǝb.”

Matta 19:20

Nǝngɔ bwayǝlɨ nɨ a sʊwa gǝn gɔ, “N kɨla kɨlaɨ diiltɨn nɨ gwam. N wɛ a taam mɨ mǝ maa lɛɨ?”

Matta 19:22

Bwayǝlɨ nɨ a nyʊwa nyɨɨ, nǝngɔ a shu nǝn kaltǝm nǝlɨ, jʊ a bwɨɨ n nǝ shilo dangǝn.