Matta 18:15 - Dadiya NT

¹⁵ “Na kɨla mɔ a maa mʊn bwɨlangkɛlɨ, bɛ ń yɔ ya ń sʊwa gǝn mɔʊ ga maa mʊn bwɨlangkɛl jǝ́ kwaajen. Na a jǝla nǝn mʊɨ, ń yǝla nǝn kɨla mɔ.

Matta 18:15 Referans Kwoze

Kolosii 3:13

Bɛ ka jǝ́ tabka lɛ a nǝl. Na kaa nǝl nǝngǝn nǝn kɛl jǝbɔ kɨla gɨɨ, bɛ ga kǝlǝm gǝm kanga Tɛlalɔ a kǝlǝm jemi, jen tʌjen bɛ jǝ́ kǝlǝmka.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

2 Tasalonikaɨ 3:15

Bɛ ka jǝ́ do gǝn nɛ na fwalɨ kii. Bɛ jǝ́ gʊ gǝm lɔl, na kɨla jen.

Matta 18:35

“A na nyɔ Tɨya mɨ nɨ a dʌbʌl kwamaɨ maa jem nyɔ gwam, na jǝ́ kǝlǝm bɔ kɨla jen gǝm nǝlɔ wini.”

Roma 12:21

Bɛ ka jǝ́ bǝla lɛ shilɔ a ku jelʌn a dul jen. Bɛ jǝ́ ku jelʌn a dul shilɔ gǝm nǝn maatǝm jǝ nyan.

1 Bitrus 3:1

Jǝ́ nɔɔtǝm naatǝmɔ, a dul kɛl nɨɨ, jǝ́ nǝ batǝlam jenɔ shigtǝm dul, sǝ na kaam batǝlam jenɔ nɨ mɨ bwangtǝn kɛl Kwaamaɨ lɛɨ, nɔɔtǝlam jinɔ a sʊwa ji bɔ kɛl Kwaamaɨ sul, shigtǝm dul jinɔ gʊ ji gʊ.

1 Korinti 8:12

A gola maatǝm kɛtǝlam jenɔ gǝm bwɨlangkɛl, jǝ́ kal kɛtǝlam jenɔ nɨ lɛ nǝlɔ a bɨ bɨɨ. Jǝ́ maa Kiristi gǝm bwɨlangkɛl.

2 Korinti 7:12

Mʊlatǝm langǝn bwangǝn nɨ mǝ maa jemi, mɨ a dul nʊ nɨ a maa bwɨlangkɛlɨ, mɨ a dul nʊ nɨ jǝ́ maa gǝmɨ. Mǝ mʊla jem sǝ ja nʊng jen a kǝga Kwaamaɨ jǝ́ dʌng nǝn dangǝn.

1 Tasalonikaɨ 4:6

A mʊgɔ jʊ nɨ ka nǝl ya maa lɛ kɨla gɔ gǝm bwɨlangkɛl, a ja mɨbam gǝnɔ. Jʊ a bwɨɨ Tɛlalɔ biyo gǝm biyo borang a dul kanjǝl nɨɨ, kanga nǝn sʊwa jen a tǝltǝmɨ, nǝn gʊ jem lɔlɨ.

Matta 18:14

A na nyɔ, ke bɔ swɨtǝm Tɨya jen nɨ a dʌbʌl kwamaɨ nǝl win a mʊgɔ bɛtɔ dwalǝn nɨɨ a lɛla.

Matta 18:21

Nǝngɔ Bitrus a kʌl a bɛ a daa Yesu woi a bʌ gɔ, “Tɛlalɔ, naa nyǝn kɨla mɨ maa mɨ bwɨlangkɛl lɛ sǝ n kǝlǝm gǝmɨ? Naa nʌbʌl ka?”

Titus 3:10

Nʊ nɨ dǝg wʊlakatǝm lɛɨ, na a kɔ gʊtǝm lɔl naa win jǝbɔ naa yoi, bɛ ń jelʌm a gola gǝnɔ gǝm.