Matta 17:3 - Dadiya NT

³ Tʌgo a kang nǝngɔ Musa jǝbɔ Iliya ja jel a kǝga gǝnɨ, jǝ kiyo kɛlɔ lɛ jǝbɔ gɨɨ.

Matta 17:3 Referans Kwoze

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Markus 9:4

Nǝngɔ Iliya jǝbɔ Musa a jel tɨm a kǝga jii, jǝ sʊwa kɛlɔ lɛ jǝbɔ Yesui.

Luka 24:27

Nǝngɔ a nʊng ji jʊ ja sʊwa a mʊgɔ mʊlalɨ kɛl Kwaamaɨ gǝm a dul gǝnɨ, jʊ a tǝl a mɛlalɨ Musaɨ a yɔ nǝn a nǝbkuwotǝmkǝgagɔ gwamɨ.

Luka 16:16

“Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Luka 9:33

Nǝb nɨ wʊlaka lɛ nyɔ jǝbɔ gɨɨ, nǝngɔ Bitrus a sʊwa Yesu gɔ, “Tɛlalɔ, a bʊm nyɔ nǝn nɨ fɔ a daa nɨɨ, nǝn ma gushigɔ taal, win na a mɔ, win na a Musaɨ, win na a Iliyaɨ.” A nyǝm bɔ jʊ sʊwa lɛɨ.

Luka 1:17

Ja ja kǝga a Tɛlalɔ gǝm a mʊgɔ yʊwa jǝbɔ kwaan na a Iliyaɨ. Yǝla yǝla nǝn nǝl tɛbɨɨ a daa bɛtɔ lɔ jii woi. Yǝla yǝla nǝn nǝb bǝngɨ lɔlɔ ja bwangtǝn gola nǝb yʊlanɨ jǝbɔ nǝb dǝngdǝngɔ.”

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Matta 17:2

Nǝn kwama jǝ fʌleni, nǝngɔ jelkalǝng gǝnɔ a yǝla a kǝga jini, kǝga gǝnɔ a fʌto beta lɛ na nu kwama, dwang dʊʊl gǝnɔ a yǝlam a fulo, beta lɛ nyɔ.

Matta 17:4

Nǝngɔ Bitrus a sʊwa Yesu gɔ, “Tɛlalɔ, a bʊm nyɔ nǝn nɨ fɔ a daa nɨɨ. Na ń jǝlaɨ, mǝ ma ma gushigɔ taal, win na a mɔ, win na a Musaɨ, win na a Iliyaɨ.”