Matta 17:22 - Dadiya NT

²² Bɛtɔ mɛlalɨ gǝnɔ a mʊrka a tǝm Galilii, nǝngɔ Yesu a sʊwa ji gɔ, “Jǝ nǝ nǝ Bʊla Nǝlɨ a kang nǝfitʌmi.

Matta 17:22 Referans Kwoze

Matta 16:21

A kumtɨn gɔ, Yesu a tǝl fɛta bɛtɔ mɛlalɨ gǝnɔ kɛlɔ lɛ gɔ, “A yǝlam nyɔ n yɔ a Urushalima, mǝ nɔɔ nɔɔ gaalan nǝn dʌmʌn a kang nǝb dʊʊmɨ, jǝbɔ dʊʊm nǝbkǝlamɔ jǝbɔ nǝb mɛlalɨ diilɔ. Jǝ jʌ i jʌ i. A kum na taalɔ gǝm, mǝ gun gun nǝn dʊʊmɨ.”

Markus 8:31

A tǝl mɛla jim lɛ, sʊwa lɛ gɔ, “Bɨlǝngǝn Bʊla Nǝlɨ nɔɔ nɔɔ gaalan. Nǝb dʊʊmɔ, jǝbɔ dʊʊm nǝbkǝlamɔ, jǝbɔ nǝb mɛlalɨ diilɔ, jǝ kɔ ɨ kɔ ɨ, ja jʌ i. Mǝ gun gun a kum na taalɔ gǝm nǝn dʊʊmɨ.”

Matta 17:23

Jǝ jʌ gǝn jʌ, a kum na taal gun gun nǝn kʊlɨ.” Pʌd jinɔ fitǝm nǝlɔ a yii mʊgɔ nǝl jinɔ.

Luka 24:46

Nǝngɔ a sʊwa ji gɔ, “Jʊ nɨ nǝn gɔ jʊ ja mʊlaɨ, Kiristi nɔɔ nɔɔ gaalan sǝ a gun a bwaagɔ gǝm a kum na taal.

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Luka 9:22

Nǝngɔ a sʊwa gɔ, “Bʊla Nǝlɨ nɔɔ nɔɔ gaalan a kanjǝlɔ a gǝlala. Dʊʊmɔ, jǝbɔ dʊʊm nǝbkǝlamɔ, jǝbɔ nǝb mɛlalɨ diilɔ jǝ kɔ ɨ kɔ ɨ, ja jʌ i. A kum na taalɔ gǝm, mǝ gun gun nǝn dʊʊmɨ.”

Maajɨ Bɛtɔ Twamagɨɨ 7:52

A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Matta 26:46

Jǝ́ gun bǝ ya! Nʊ a lungto i n wɔ bɛ lɛ.”

Matta 24:10

Nǝbɔ a lada nyɔ na yǝla lɛ a nǝn gul a nǝtǝm bɨlǝngkɛl jinɔ gǝmɨ, jǝ miyoka miyoka, jǝ kulko kulko.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

1 Korinti 11:23

Jʊ nɨ mǝ yo a daagɔ Tɛlalɔ woi nǝn gɔ mǝ nǝ jeni, gɔ, Tɛlalɔ bǝn Yesu a kum nɨ ja lungtom gǝnɨ, a do kʊkkʊmɔ.

Matta 26:16

Nǝn di gɔ nǝngɔ Yahuza a tǝl saatǝm gola nɨ miyom Yesu lɛɨ.

Matta 17:9

Kwama nɨ jǝ gǝlam lɛ a dʌbʌl yemi, nǝngɔ Yesu a gʊ lɔl jini gɔ, “Ka jǝ́ sʊwa lɛ kaa nǝl jʊ jǝ́ kuwoi, ba jǝ́ sʊwa nǝn kwama ja gung Bʊla Nǝlɨ a bwaaɨ.”

Matta 17:12

Mǝ sʊwa jen nɛ, Iliya a kwɛl a bɛ bɛɨ, ja nyǝm bɔ gɔ nǝn gɔ, ja maa gǝm jʊ nɨ jǝ swɨ lɛ ja maa gǝmɨ. A na nyɔ Bʊla Nǝlɨ nɔɔ nɔɔ gaalan a kang jin.”

Luka 9:43

Gwam jinɔ ja ta kang a nyiyo a gʌleng kwaan Kwaamaɨ gǝm. Kwama nǝbɔ a tam kang a nyiyo a dul kanjǝl laatǝm kang nɨ Yesu a maaɨ, nǝngɔ a sʊwa bɛtɔ mɛlalɨ gǝnɨ gɔ,