Matta 16:8 - Dadiya NT

⁸ Yesu a kwɛl a nyǝm bʊʊlalɨ jini, nǝngɔ a sʊwa gɔ, “Jen, jǝ́ nǝb nɨ nǝn nǝtǝm bɨlǝngkɛl nǝn dǝm nyɨɨ, n wɛ a bwɨ jǝ́ sʊwa lɛ a kʊm jen, jengɔ mɨ jen nǝn kʊkkʊmɨ?

Matta 16:8 Referans Kwoze

Matta 6:30

Na Kwaamagɔ a fɛ yǝlagɔ a bʊm nyɨɨ, dwiyen nǝn kʊlɨ, fʌng ja mal a gaakǝba, mɨsɔ nǝ jen dʊʊl nɨ lɛ a laa nyɨɨ ka? Jǝ́ nǝb nɨ nǝtǝm bɨlǝngkɛl jenɔ a lada bɨɨ.

Matta 14:31

Tʌgo a kang nǝngɔ Yesu a mal kang gǝnɔ a ta gǝnɨ, nǝngɔ a sʊwa gǝn gɔ, “Mɔ nǝ nǝtǝm kǝlɨ bɨlǝngkɛl, n wɛ a bwɨ mʊ kǝma lɛɨ?”

Markus 16:14

Nǝn gul Yesu a nʊng dul gǝnɔ a daagɔ bɛtɔ mɛlalɨ gǝnɔ woi kʊb jeli wini, a kwama jǝ jam jǝjalǝn nɛɨ. A ga ji a dul nǝtǝm bɨlǝngkɛlɔ mɨ ji nǝnɨ jǝbɔ bǝngɨ lɔl jinɔ ja kɔ jǝlatǝm nǝn nǝbɔ a kuwo gǝnɨ a gul guntǝm gǝnɔ a bwaaɨ.

Matta 8:26

Nǝngɔ a sʊwa ji gɔ, “Jǝ́ nǝb nǝtǝm bɨlǝngkɛl nǝn dǝm nyɔ! Wɛ a bwɨ jǝ́ nyʊwa taal lɛɨ?” Nǝngɔ a gun a ga yʊwa mwɛmɔ jǝbɔ mwɛmɔ mʊla lɛɨ gǝm wulongi, yʊwagɔ jǝbɔ mwɛ nɨ mʊla lɛɨ, a tɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Matta 16:7

Nǝngɔ ja sʊwaka a kʊm jin gɔ, “N kɛlɔ bǝ bɛ bɔ nǝn kʊkkʊmɨ.”