Matta 16:27 - Dadiya NT

²⁷ Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:27 Referans Kwoze

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

Roma 2:6

Kwaama ywa ywa nǝbɔ gwam maajɨgɔ ja maaɨ.

Roma 14:12

Pʌd bǝnɔ bǝ kiyo kiyo jʊ bǝ maaɨ nǝn nyiyo bǝn a kǝga Kwaamaɨ.

Afisa 6:8

Jǝ́ nyǝm Tɛlalɔ nǝ nǝ bwili a nʊ nɨ pʌd a maa jǝ nyaɨ, na gǝ bwɛɨ, na gǝ bwɛ jwaalɛɨ.

Yahuza 1:14

Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,

Dʊgam Nyangnyang 20:12

N kuwo bʌlʌn nǝb dʊʊmɨ jǝbɔ nǝb nɨ mɨ a nyiyo jǝlɨ, tɨlam a kǝga kotere fɔlɔnɔ gǝm. Langǝn bwangǝntɨnɔ a wumo wumoi. Kaa langǝn bwangǝnɔ a wumo wumoi wʊnɨ nǝn gɔ langǝn bwangǝn kʊlɨgɨɨ. Jǝ maa nǝb nɨ a bʊla bʊlaɨ gǝm borang a yɔ dǝngdǝng a jʊtǝb nɨ ja maaɨ, kanga ja mʊla a mʊgɔ langǝn bwangǝntɨnɔ gǝmɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Luka 21:27

A kwama gɔ jǝ kuwo kuwo Bʊla Nǝlɨ bɛ lɛ a mʊgɔ lul, a mʊgɔ kwaan gǝn jǝbɔ gʌleng dʊʊlǝn gǝnɔ.

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Matta 24:30

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Maajɨ Bɛtɔ Twamagɨɨ 1:11

Nǝngɔ ja sʊwa gɔ, “Jǝ́ nǝbɔ Galilii, n wɛ a bwɨ jǝ́ tɨm, jǝ́ dʌng dʌbʌlɔ lɛɨ? Yesu nɨ ja dem gǝn a daa jen woi, ja shu nǝn a dʌbʌli, yǝla bɛ bɛ kanga jǝ́ kuwo gǝn a shumi.”

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

1 Bitrus 1:17

Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

Luka 22:69

A kǝngkǝnɨ, Bʊla Nǝlɨ yɨ yɨ a kang jajǝng Kwaamaɨ, Nǝ kwaan.”

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Matta 13:49

Yǝlam nyɔ a dɨltǝm yooligɔ gǝm. Bɛtɔ twama Kwaamaɨ ba jǝ bel bel sǝ ja jǝgam nǝb bwɨlamɔ a mʊgɔ nǝb dǝngdǝngɔ gǝm.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Tasalonikaɨ 4:16

Jʊ a bwɨɨ Tɛlalɔ nǝn dul gǝn gǝla gǝla a dʌbʌl kwama nǝn jotǝm jangajǝng nǝn kwaan, jǝbɔ diil dalɨ bwɛ twama Kwaamaɨ jǝbɔ guutǝm jum Kwaamaɨ. Nǝb nɨ a bʊla a mʊgɔ Kiristii, nǝji jǝ tǝl guntǝmɔ lɛɨ.

Matta 13:41

Bʊla Nǝlɨ twam twam bɛtɔ twama Kwaamaɨ ja mʊr nǝbɔ gwam a dǝg nǝbɔ maatǝm bwɨlangkɛlɨ, jǝbɔ nǝbɔ maa bwɨlang jǝl lɛɨ, sǝ ja jǝgǝm ji a fɔlɔn gǝnɔ gǝm.

1 Korinti 8:8

Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Yohana 21:22

Nǝngɔ Yesu a sʊwa gǝn gɔ, “Na n jǝla nʊ nɨ a yɨ nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi? Mɔ, bɛ ń bwang mɨ!”

Yohana 21:23

Fulon kɛl nɨ wa tǝmɔ lɛ a kʊm kɛb nɨ bwang Yesu gǝm lɛɨ, jǝ sʊwa lɛ gɔ, bwɛ mɛlalɨ nɨ mɨsɔ bʊla lɛ. N ke bɔ jʊ Yesu a sʊwaɨ. A sʊwa gɔ, “Na mǝ jǝla jǝla a na nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi?”

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Kolosii 3:25

Nʊ nɨ maa jʊ nɨ lɛ a bʊm bɨɨ, nya nya ywatǝm gǝnɔ a jʊ nɨ a bʊm bɔ ga maaɨ. Kwaama mɨ gǝ nʊng swɨtǝm dul lɛ.

Yakubu 5:7

A dul kɛl nɨ kambɔ, jǝ́ yɨ yɨm kʊtǝm nǝl a yɔ nǝn a kwama Tɛlalɔ bɛm lɛɨ. Jǝ́ dʌng kʊtǝm nǝlɔ nǝ jʊngtǝm twamɔ gǝ maa lɛɨ, a yɔ nǝn a kwama nɨ twam gǝnɔ gǝ jǝgǝm dul lɛɨ. N kʊtǝm nǝl gǝ yam mwɛ kwala lɛ jǝbɔ mwɛ guli.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.