Matta 16:19 - Dadiya NT

¹⁹ Mǝ nǝ ń nǝ ń jǝ wumtǝm nyanga kantɨn fɔlɔn lɔ Kwaamaɨ. Jʊ nɨ mʊ bwa a tǝm nɨɨ, jǝ bwa bwa nyɔ a dʌbʌl kwama. Jʊ nɨ mʊ kwɨ a tǝm nɨɨ, jǝ kwɨ kwɨ nyɔ a dʌbʌl kwama.”

Matta 16:19 Referans Kwoze

Matta 18:18

“N bɨlǝngǝn mǝ sʊwa jen nɛɨ, jʊ nɨ jǝ́ bwa a tǝm nɨɨ, jǝ bwa bwa nyɔ a dʌbʌl kwama. Jʊ nɨ jǝ́ kwɨ a tǝm nɨɨ, jǝ kwɨ kwɨ nyɔ a dʌbʌl kwama.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.

Yohana 20:23

Na jǝ́ kǝlǝm nǝbɔ gǝm bwɨlangkɛltɨn jini, Kwaama a kǝlǝm jim. Na jǝ́ kǝlǝm bɔ nǝbɔ gǝm bwɨlangkɛl jini, Kwaama a kǝlǝm jim bɔ.”

Dʊgam Nyangnyang 11:6

Ji nǝn kwaan nɨ jǝ tɨ lɛ nǝn swiyotǝm mwɛ kwamaɨ, kage a swiyo mwɛ nǝn kwama nɨ jǝ maam kuwotǝmkǝga lɛɨ. Ji nǝn kwaan nɨ jǝ dǝg mwɛmɔ lɛ a yǝlam tʊʊmɨ. Ji nǝn kwaan nɨ jǝ mal yooli nɨ gǝm gaalanɔ lɛ ja swɨɨ nǝn kwama ja swɨ maatǝmɔ a nǝl jini.

2 Korinti 2:10

Nʊ nɨ jǝ́ kǝlǝm gǝm kanjǝlɔ gwamɨ, mǝ tǝmɨ n kǝlǝm gǝm. Jʊ nɨ mǝ kǝlǝmɨ, na jǝ kǝlǝmtǝm woi, mǝ kǝlǝm gǝm a dul jen, a kɛl dul Kiristii.

Dʊgam Nyangnyang 9:1

Bwɛ twama Kwaamaɨ na nʊgɔ a guu jum gǝnɨ, nǝngɔ mǝ kuwo kaa nyanyamɨ a dʌbʌl a gǝla a yal a tǝmɨ. Ja nǝ nyanyamɨ nɨ jǝ wumtǝm bʊwa nɨ mɨ dɨltǝm woi.

1 Tasalonikaɨ 4:8

Gǝ na nyɔ, gwam nʊ nɨ a kɔ jǝlatǝm nǝn mɛlalɨ nɨɨ, n ke bɔ nǝl ga kɔɨ, nǝn Kwaama ga kɔɨ, gǝ nɨ nǝ jen Yʊwa gǝnɔ lɛɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.