Matta 14:6 - Dadiya NT

⁶ Kum bʌtʌm Hiridusi a kɛla a bɛɨ, bwɛnɔɔlɨ Hirudiya a ye ye a kǝga faabǝm nɨ ja bɛ dikulomi, Hiridus a nyʊwa lǝma ye gǝnɔ.

Matta 14:6 Referans Kwoze

Markus 6:17

Hiridus a kwɛl a nǝ nǝɨ diil gɔ ja ta Yohana, nǝngɔ a bwa gǝn a tʊng gǝn a lɔsomii. Hiridus a maa nyɔ sǝ a yʌb Hirudiya gǝm nǝl, nwala kɨla gɔ Filibusi, wʊnɨ ga naaɨ.

Matta 22:24

“Feyi, Musa a sʊwa gɔ, ‘Na nǝl a bʊla, a bʌ bɔ bwɛɨ, bɛ kɨla gɔ a naa nɔɔkʊlagɔ sǝ a bʌ kɨla gɔ gǝm bɛtɨ.’

Luka 3:19

A kwama gɔ Yohana a ga fɔlɔ Hiridus gǝm wulong, gɔ Hiridus a naa Hirudiya nwala kɨla gɔ Filibusi, jǝbɔ tangǝn bwɨlangkɛlɔ ga maaɨ.

Markus 6:19

Hirudiya a ta Yohana a nǝl gǝn, swɨ lɛ a jʌ gǝn, a nya bɔ gola.

Matta 14:3

A sʊwa nyɔ jʊ a bwɨɨ a kwamagɔ a shui Hiridus a ta Yohana a bwa, a mal a lɔsomi, a kɛl dul Hirudiyaɨ, nwala kɨla gǝ Filibusi.

Matta 14:7

Nǝngɔ a wɛɛl wɛɛlɨ jǝbɔ swatǝm yaa gɔ gǝ nǝ gǝn nǝ gwam jʊ nɨ ga bʌ lɛɨ.

Markus 6:14

Hiridus fɔlɔgɔ a nyʊwa fulon Yesui, jʊ a bwɨɨ dun gǝnɔ a kwɛl a wa tǝmɔ gwam. Kaamɨ gɔ, “Nʊ nɨ nǝn Yohana nǝ Yʊtǝm mwɛ Sagsagɔ, wʊnɨ a bʊla, a gun nǝn kʊlɨɨ. N jʊ a bwɨ a nya kwaan maatǝm kanjǝl laatǝm kangɨ.”

Markus 8:15

A gʊ lɔl jinɔ a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a Hiridusi.”

Luka 3:1

A mʊgɔ jolɔ kʊb jeli nʊ na fɔlɔn dʊʊn Kaisar Tibariyasɨ, kwama Buntus Bilatus n gwamna a Yahudiyaɨ, Hiridus n fɔlɔ a Galilii, kɨla gɔ Filibus n fɔlɔ a Ituriya jǝbɔ Tarakunitasɨ, Lisaniyas n fɔlɔ a Abiliyaɨ,

Luka 8:3

jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.

Luka 13:31

Nǝn kwama gɔ kaam nǝbɔ Farisaɨ ba nya Yesui, nǝngɔ ja sʊwa gǝn gɔ, “Hiridus saa jʌtǝm mʊnɔ lɛ. Bǝla daa nɨ ń shu a kaa daa.”

Luka 23:7

Kwama nɨ Bilatus ba nyǝm Yesu gǝ na nǝn yɨmɔ a daa Hiridus woi nǝn yɨm fɔlɔnɨ, nǝngɔ a tʊng Yesu a daa Hiridus woi, kwama gɔ Hiridus tǝgǝn gǝ na a Urushalima.

Luka 23:11

Hiridus jǝbɔ sʊwajaam gǝnɔ ja tuwo Yesu. Nǝngɔ ja mal gǝm bɛllɛ dʊʊnɔ ja tʊng Yesu a daa Bilatus woi.

Maajɨ Bɛtɔ Twamagɨɨ 4:27

Bɨlǝngǝn kanjǝl nɨ a bwɨ nǝn kwama Hiridus, jǝbɔ Buntus Bilatus, jǝbɔ Bʌtʌbɔ, jǝbɔ nǝbɔ Israilaɨ ja mʊrka dul a dalɨ tuulɔ nɨɨ, jǝ maa kii lɛ jǝbɔ Bwɛ jwaalɛ sagsag mʊnɔ Yesu wʊnɨ mʊ gul gǝm bwiyeli.

Maajɨ Bɛtɔ Twamagɨɨ 12:1

Nǝn kwama gɔ, Hiridus Fɔlɔgɔ a tǝl nʊng kaam mʊrkalɨ nǝb bwangtǝm Kwaamaɨ gaalan nɛ.