Matta 13:46 - Dadiya NT

⁴⁶ A yɔ ya nya tɛl bʊmɨ nɨ kemʌnɔ a kwam nyɨɨ, nǝngɔ a miyo kanjǝl nɨ gǝ nǝn gwamɨ, nǝngɔ a ten nǝnɨ.

Matta 13:46 Referans Kwoze

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Kolosii 2:3

N daa gǝ woi ja yʊ shilo yʊlanɔ jǝbɔ nyǝmtǝmɔ gwamɨ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Matta 13:44

“Fɔlɔn lɔ Kwaamaɨ gǝ na na shilo nɨ ja yʊ a tɔtwamɨ. Kwama nɨ kaa nǝl a nyaɨ, a yǝla a yʊ tagɨ. Fulotǝm nǝlɔ a la gǝm daaɨ, nǝngɔ a yɔ ya miyom kanjǝl nɨ gǝ nǝngǝnɨ pʌd, a tenʌm tɔtwam gɨɨ.

Dʊgam Nyangnyang 21:21

Nyanga kantɨn tuulɔ nɨ kʊb jeli yoi, n luu luu ja fɛ ji nǝnɨ. Gola tuulɔngɔ ja fɛ nǝn mʊn kwaagɔ, a fulo nǝn fǝbfǝb nyɔ yo nu lɛ na bwaala.

Galatiya 6:14

Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

Matta 13:45

“Fɔlɔn lɔ Kwaamaɨ tag gǝ na na nǝ jatǝm gamdʌbo nɨ saa tɛl bʊmǝntɨn nɛɨ.

Matta 13:47

“Fɔlɔn lɔ Kwaamaɨ tag gǝ na na lɨyal nɨ ja mal a mʊgɔ wɨmaɨ, jǝ tam jʌngi lɛɨ, gǝ ta jʌngitɨnɔ nǝn dʌmʌn.

Dʊgam Nyangnyang 18:12

Mɨ nʊ nɨ wo ten jim kanjǝl nɨ lɛɨ: mʊn, jǝbɔ maalʊ, jǝbɔ tɛl bʊmǝntɨn, jǝbɔ luu luu, jǝbɔ lilin nyantɨn, jǝbɔ dwang felintɨn nɨ nǝn dɨngdɨng nyɨɨ, jǝbɔ siliki jǝbɔ alharini feli, jǝbɔ tɨya kunʌn nǝn dʌmʌn, jǝbɔ kanjǝl nungʌntɨn bwaanagɨɨ nǝn dʌmʌn, jǝbɔ kanjǝl nɨ ja swiyo nǝn tɨya nɨ kemʌn gǝnɔ a kwam nyɨɨ, jǝbɔ jʊtǝb nɨ ja fɛ nǝn kemʌn felii, jǝbɔ a kemʌn filii, jǝbɔ tatǝn nɨ yo nu lɛɨ.