Matta 13:39 - Dadiya NT

³⁹ Nǝ kii nɨ a wa yǝlagɨɨ, nǝn gɔ nǝn Mammɨ. Kwama kʌsotǝmɔ, n dɨltǝm yooli, nǝb kʌsotǝmɔ n bɛtɔ twama Kwaamaɨ.

Matta 13:39 Referans Kwoze

Matta 13:49

Yǝlam nyɔ a dɨltǝm yooligɔ gǝm. Bɛtɔ twama Kwaamaɨ ba jǝ bel bel sǝ ja jǝgam nǝb bwɨlamɔ a mʊgɔ nǝb dǝngdǝngɔ gǝm.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Matta 24:3

Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Matta 13:25

Kwama nɨ nǝbɔ gwam daa dum lɛɨ, nǝ kii gǝnɔ a yɔ ya wa kaa dʊʊm yǝla a mʊgɔ twam jaam, nǝngɔ a shui.

Yahuza 1:14

Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 13:28

“A sʊwa ji gɔ, ‘N nǝ kii mɨ a maa mɨ jʊ nɨɨ.’ “Bɛtɔ jwaalɛn gǝnɔ ja sʊwa gǝn gɔ, ‘Mʊ swɨ lɛ ya nǝ kubom yǝlagɔ ka?’

Matta 12:32

Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 13:40

“Kanga jǝ mʊr yǝlagɔ lɛ ja twɨmɨ, yǝlam nyɔ a kum dɨltǝm yooli.

1 Korinti 10:11

Jʊ nɨ a bwɨ nǝn ji gwam sǝ a yǝlam bǝm mɛlalɨ. Ja mʊla ji sǝ a gʊ bǝm lɔl, bǝn nɨ dɨltǝm yooli nɨ a bɛ bǝmɨ.

Ibranii 1:2

A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.