37 Nǝngɔ a jǝla ji gɔ, “Nʊ a wa dʊʊm nyanɨ, nǝn Bʊla Nǝlɨ.
Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”
“Na nʊ nɨ a nyʊwa jeni, a nyʊwa ɨ. Na nʊ nɨ a kɔ jeni, a kɔ ɨ. Nʊ nɨ a kɔ ɨɨ, a kɔ nʊ nɨ a twam ɨɨ.”
Bʊla Nǝlɨ twam twam bɛtɔ twama Kwaamaɨ ja mʊr nǝbɔ gwam a dǝg nǝbɔ maatǝm bwɨlangkɛlɨ, jǝbɔ nǝbɔ maa bwɨlang jǝl lɛɨ, sǝ ja jǝgǝm ji a fɔlɔn gǝnɔ gǝm.
Mɨsɔ mǝ lɛla lɛ n sʊwa kɛl na ke bɔ jʊ Kiristi a maa a gola mɨɨ. A dǝg Bʌtʌbɔ a jǝla a bwangtǝn Kwaama a kɛl mǝndɨ jǝbɔ maajɨ mɨɨ.
Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”
Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”
“Bɛtɔ jwaalɛn nǝ lɔ gǝnɨ ja yɔ ya jǝ sʊwa gǝn gɔ, ‘Tɛlalɔ, nǝn gɔ kɛna n dʊʊm nyan mʊ wa a tɔtwam mʊnɨ, a bwɨ nyǝn yǝlagɔ a gi tʌgoi?’
Yesu a yǝla a sʊwa ji kaa mʊsǝn kɛl gɔ, “Fɔlɔn lɔ Kwaamaɨ gǝ na na nʊ nɨ a wa dʊʊm nyan a tɔtwam gǝnɨ.
“Nʊ nɨ a yo jeni, a yo i. Nʊ nɨ a yo ii, a yo nʊ nɨ a twam ɨɨ.
Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”
La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.
Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.
Nǝn kwama nɨ gǝ wam dʊʊmɔ lɛɨ, nǝngɔ kaam dʊʊmɔ a tǝla a golaɨ, nǝngɔ lǝbɨtɨnɔ ba sobamɨ.
