Matta 13:11 - Dadiya NT

¹¹ Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Matta 13:11 Referans Kwoze

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

Matta 19:11

Nǝngɔ a sʊwa ji gɔ, “N ke bɔ nǝbɔ gwam jǝ maa maajɨ lɛ nǝn kɛl nɨɨ, na ke bɔ nǝb nɨ Kwaama a nǝ ji kwaanɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

1 Yohana 2:20

A jenɔ Nǝ Sagsagɔ a gul jem bwiyel. Pʌd jenɔ jǝ́ nyǝm bɨlǝngkɛlɔ.

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Afisa 5:32

Jʊ nɨ n gʌleng jǝ yʊtǝm. Jʊ mǝ sʊwa kɛl lɛ a dul gǝnɨ, nǝn gɔ nǝn Kiristi jǝbɔ mʊrkalɨ nǝb bwangtǝm Kwaamaɨ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Luka 8:10

Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.

1 Korinti 15:51

N wɔ mǝ sʊwa jen kaa jʊ nɨ lɛ ja yʊ yʊɨ. Ke bɔ gwam bǝnɔ bǝ bʊla lɛɨ, gwam bǝnɔ Kwaama fʌto bǝm fʌto bʊtɔgɔ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

Yohana 6:65

Nǝngɔ Yesu a sʊtǝn sʊwatǝmɔ gɔ, “N jʊ a bwɨ mǝ sʊwa jen nɛ mǝʊ, ‘Mɨ nʊ nɨ wo dwal lɛ a bɛ a daa mǝ woi, na Tɛtɛ a jǝla gǝm bɨɨ.’ ”

1 Timoti 3:9

Bɛ ja ja kǝga nǝn nǝtǝm bɨlǝngkɛlɔ nǝn bʊʊlalɨ nyan nɨ a mʊgɔ nǝl nɨ mɨ komtǝm woi.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

Markus 4:11

Nǝngɔ a sʊwa ji gɔ, “A jenɔ ja kwɛl ja sʊwa jen sʊwaɨ jʊ ja yʊ yʊɨ a fɔlɔn lɔ Kwaamaɨ. A tangǝn nǝbɨɨ mǝ sʊwa ji a mʊgɔ mʊsǝn kɛl,

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

Afisa 6:19

Mǝ tǝmɨ jǝ́ maa mɨ keli. Jǝ́ kel mɨ Kwaama a nɨ ɨ kɛl nyan dɨsɔ n sʊwa fulon kɛl lǝmɨ nɨ a yʊ yʊɨ nyangnyang, mɨ taal wo.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

1 Korinti 4:1

A bʊm nyɔ jǝ́ do nǝn nǝn nǝb maajɨ Kiristii, nǝb tatǝm mɛlalɨ kanjǝl nɨ Kwaama a yʊ yʊɨ galɨgǝnɨ.

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Matta 13:10

Nǝngɔ bɛtɔ mɛlalɨgɔ a bɛ a daa gǝ woi, ba ja sʊwa gǝn gɔ, “N wɛ a bwɨ mʊ sʊwa nǝbɔ kɛlɔ nǝn mʊsǝn kɛlɨ?”

Matta 20:23

Nǝngɔ a sʊwa ji gɔ, “N nyǝm nyɔ, jǝ́ mwɨ mwɨ jǝ́ tɨ, jǝ́ nɔɔ gaalanɔ na mǝ. Mǝ sʊwa jen nɛ, kɛl yɨm a kang jajǝng jǝbɔ kang fɔlɔng mɨ, mɨ mǝ nǝn fɔlɔn nɨ mǝ nǝ jen nɛɨ. Tɛtɛ mɨ nɨ a kwamaɨ a fɛm nǝbɔ ga jǝgamɨ daatɨnɔ.”

Markus 10:40

Yɨm a kang jajǝng jǝbɔ kang fɔlɔng, ke bɔ mǝ mǝ nǝ jen nɛɨ, na a nǝb nɨ ja kwɛl ja fɛka jim fɛkaɨ.”

Roma 11:25

Kambɔ, mǝ swɨ lɛ jǝ́ nyǝm kaam kanjǝl nɨ ja yʊ yʊɨ, kage ya jǝ́ gung dul lɛ. Kaam nǝbɔ Israilaɨ n nǝb kwamǝn dul, a yɔ nǝn a kwama nɨ ladatǝm Bʌtʌb nɨ a nyǝm Kiristii a yii.