Matta 12:46 - Dadiya NT

⁴⁶ Sʊwa nǝbɔ kɛlɔ lɛ nyɨɨ, nǝngɔ nyɨya gɔ jǝbɔ kɛtǝlam gǝnɔ jǝ tɨm a yoolii, jǝ swɨ lɛ ja sʊwa gǝn kɛl,

Matta 12:46 Referans Kwoze

Matta 13:55

Bwɛ nɨ n ke bɔ bʊla nǝ fɛlatǝm daa yɨmtɨn nɨ ka? Nɛnɛ gɔ ke bɔ Maryamu ka? Kɛtǝlam gǝnɔ, jǝ ke bɔ bǝ Yakubu, jǝbɔ Yusufu, jǝbɔ Saminu, jǝbɔ Yahuza ka?

Yohana 2:12

Nǝngɔ Yesu a shu a Kafarnahum jǝbɔ nɛnɛ gɨɨ, jǝbɔ kɛtǝlam gǝnɔ, jǝbɔ bɛtɔ mɛlalɨ gǝnɔ. Ya ja maa kumtɨn wo dǝmɨ.

Yohana 7:5

Kɛtǝlam Yesui ja nǝ bɔ bɨlǝngkɛl a daa gǝ woi.

Yohana 7:3

Nǝngɔ kɛtǝlam Yesui a sʊwa gǝn gɔ, “A bʊm nyɔ ń gun fɔ ń shu a Yahudiya, sǝ bɛtɔ mɛlalɨ mʊnɔ a kuwo jǝ laatǝm kang nɨ mʊ maa lɛɨ.

Maajɨ Bɛtɔ Twamagɨɨ 1:14

Nǝb nɨ gwam ja nǝ dul jinɔ a maatǝm keli, bʊʊlalɨ jinɔ win, jǝbɔ kaam nɔɔtǝm, jǝbɔ Maryamu nɛnɛ Yesui, jǝbɔ kaam kɛtǝlam gǝn.

Markus 6:3

Bwɛ nɨ ke bɔ bʊla Maryamui ka? Kɨla bǝ Yakubui, jǝbɔ Yusufu, jǝbɔ Yahuza, jǝbɔ Saminu nǝ fɛlatǝm kanjǝl nɨ ka? Kɛtǝlam gǝnɔ nɔɔtǝnɔ bǝ yǝm dakinii ka?” Ja kal nǝl nǝn kanjǝl nɨ gǝ maa lɛɨ.

Galatiya 1:19

Mǝ kuwo bɔ kaa nǝl win a mʊgɔ bɛtɔ twamagɨɨ, na ke bɔ Yakubu kɨla Tɛlalɔɨ.

1 Korinti 9:5

Nǝn la bɔ nyɔ nǝn yɔ nǝn nɔɔtǝlam nǝnɔ nǝb bwangtǝmɔ, kanga tangǝn bɛtɔ twamagɔ, jǝbɔ kɛtǝlam Tɛlalɔɨ, jǝbɔ bǝ Bitrus jǝ maam lɛɨ ka?

Yohana 7:10

Nǝn kwama kɛtǝlam gǝnɔ a shum dikulomi, nǝngɔ Yesu a shu tǝgǝnɨ. A waam waam, a jel bɔ a talɨ.

Luka 2:48

Kwama tɛtǝlam gǝnɔ a kuwo gǝnɨ, nǝngɔ ja ta kang a nyiyoi. Nǝngɔ nɛnɛ gɔ a sʊwa gǝn gɔ, “Bʊla mɨ, n wɛ mʊ maa nǝm nyɨɨ? Mǝ nǝbɔ tɛtɛ mɔ nǝn saa ń nɛ, nǝl nǝnɔ a kala.”

Luka 8:10

Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.

Markus 2:21

“Mɨ nǝn nʊ nɨ baka bɛllɛ galɨ lɛ nǝn mwan dwang fɨɨ. Na ga maa nyɨɨ, mwan dwang fɨgɔ wʊl wʊl bɛllɛ galɨgɔ. Wʊlatǝm gǝnɔ laa laa a galɨgɔ bwɨlatǝmɔ.

Yohana 2:5

Nǝngɔ nyɨya Yesui a sʊwa nǝb maajɨgɨɨ gɔ, “Gwam jʊ nɨ a sʊwa jen gɔ jǝ́ maaɨ, bɛ jǝ́ maa.”

Luka 2:33

Tɛtɛ gɔ jǝbɔ nɛnɛ gɔ ja ta kang a nyiyo, kwama ja nyʊwa kɛlɔ Saminu a sʊwa a dul gǝnɨ.

Yohana 2:1

A kum na taalɔ, jǝ maa kangwaal lɛ a tuulɔ Kana nɨ a tǝm Galilii. Nyɨya Yesui wo.

Luka 2:51

A bwanga jǝbɔ ji ja yǝla a Nazarat dakini. Yesu bwangtǝn kɛl jinɔ lɛ. Nɛnɛ gɔ a ya kanjǝl nɨ gwam a nǝl gǝn.

Matta 2:20

“Gun, do bwɛ jǝbɔ nyɨya gɔ, ń yǝla nǝn ji a tǝm Israila. Nǝbɔ swɨ lɛ a jʌ gǝnɨ, ja bʊlala.”

Matta 2:11

Ba ja dɔ lɔngɨɨ, nǝngɔ ja kuwo bwɛ jǝbɔ nyɨya gɔ Maryamui. Nǝngɔ ja gǝla ja jʊng nǝn dun ja nǝ gǝn dʊʊnɨ. Nǝngɔ ja wumo bǝla kemʌn jini, nǝngɔ ja nǝ gǝn lǝma mʊn, jǝbɔ kaam kanjǝl twɨtǝm nɨ nǝn kunʌn lǝmɨ nɨ jǝ jo lɛ gɔ luban jǝbɔ mʊng.

Matta 1:18

Bʌtʌm Yesu Kiristii a na nyɔ: Nyɨya gǝ Maryamu nǝn gɔ na bwa naakan nɛ jǝbɔ Yusufu bwayǝlɨ gǝnɨ. A la bɔ kum bwatǝm naakan jinɔ, Yʊwa Kwaamaɨ a dǝg gǝn a do fʌl.

Yohana 19:25

Nǝb nɨ tɨm nǝn dɔɔm jǝbɔ tɨya kʊʊtǝm Yesui, na bǝ nɛnɛ gǝ, jǝbɔ kɨla gǝ nɔɔlɨgɔ, jǝbɔ Maryamu nwala Kilofasɨ, jǝbɔ Maryamu bwɛn Magadaliya.

Luka 1:43

N lǝma wɛ a nya ɨ nyɨɨ, nyɨya Tɛlalɔ mɨɨ bɛ lɛ fɔ a daa mɨ woi?

Matta 12:47

kaa nǝl a sʊwa gǝn gɔ, “Nɛnɛ mɔ jǝbɔ kɛtǝlam mʊnɔ tɨm a yooli, jǝ swɨ lɛ ja sʊwa ń kɛl.”

Luka 2:34

Saminu a ya jim bwiligɔ. Nǝngɔ a sʊwa nyɨya gɔ Maryamu gɔ, “Bwɛ nɨ nǝn gɔ Kwaama a fɛka sǝ a dǝg nǝbɔ Israilaɨ a lada ja yala, sǝ a gung nǝbɔ a lada, sǝ a yǝlam jǝ nʊngtǝm nɨ nǝbɔ kɔ lɛɨ.