Matta 12:32 - Dadiya NT

³² Nʊ nɨ a kal dun Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ fɔ a yooli nɨ, a yɔ nǝn a dʌbʌl.

Matta 12:32 Referans Kwoze

Markus 3:29

Na nʊ nɨ a kal dun Yʊwa Kwaamaɨ, mɨsɔ Kwaama kǝlǝm gǝm lɛ wo. Ga maa bwɨlangkɛl nɨ mɨ dɨtǝm woi.”

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Afisa 1:21

A fʌlen a dʌbʌl Kiristi maa fɔlɔn nɛ a dul nǝb dʊʊn, jǝbɔ nǝb kwaan, jǝbɔ nǝb maatǝm fɔlɔn, jǝbɔ yʊwatɨn, jǝbɔ dun nɨ gwam jǝ nǝ lɛɨ a yooli nɨ kǝngkɨɨ jǝbɔ a yooli nɨ bɛ lɛɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Luka 12:10

Nʊ nɨ a sʊwa kɛl bwɨla a dul Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ.

Matta 12:31

Mǝ sʊwa jen nɛ, Kwaama kǝlǝm kǝlǝm nǝbɔ gǝm a maa bwɨlangkɛl, a kal dun gǝnɨ. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ.

1 Timoti 1:15

Kɛl bɨlǝngkɛlɔ n wɔ, a la yotǝm wʊnɨ sʊwa lɛ gɔ, “Kiristi Yesu a bɛ a yooli nɨ sǝ a bʊʊ nǝn nǝb bwɨlangkɛlɔ.” A kʊm ji gwam nǝmǝ mǝ laa jii.

Yohana 7:12

A mʊgɔ mʊrkatǝm nɨɨ, nǝbɔ sʊwaka kɛltɨn nɛ a kʊm jin a dul Yesui. Kaamɨ sʊwa lɛ daddad gɔ, “Nǝfili nyan.” Kaamɨ tag sʊwa lɛ gɔ, “Swagtǝm maa nǝbɔ gǝm lɛɨ.”

Luka 23:34

Nǝngɔ Yesu a sʊwa gɔ, “Tɛtɛ, kǝlǝm jim. Ja nyǝm bɔ jʊ jǝ maa lɛɨ.” Nǝngɔ ja tǝga dwangtɨn gǝnɔ a gola gatǝm kwannyaɨ.

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Yohana 7:52

Nǝngɔ ja jǝla gǝn gɔ, “Mɔ tǝmʊn mʊ bwɛ Galilii ka? Fɛ ń dʌng kɛl Kwaamaɨ sǝ ń kuwo, mɨ nǝkuwotǝmkǝga nɨ jel lɛ a mʊgɔ Galilii.”

Luka 7:34

Bʊla Nǝlɨ a bɛ, ja lɛ, nɔɔ lɛ, jǝ́ sʊwa lɛ gɔ, ‘Jǝ́ kuwo nǝ jam nɨ jǝbɔ nǝ nɔɔtǝm nɨ jǝbɔ fatǝm nǝb yotǝm kemʌn tǝmɔ, jǝbɔ nǝb bwɨlangkɛlɔ!’

Matta 11:19

Bʊla Nǝlɨ a bɛ, ja lɛ, nɔɔ lɛ, jǝ́ sʊwa lɛ gɔ, ‘Jǝ́ kuwo nǝ jam nɨ jǝbɔ nǝ nɔɔtǝm nɨ jǝbɔ fatǝm nǝb yotǝm kemʌn tǝmɔ, jǝbɔ nǝb bwɨlangkɛlɔ!’ Yʊlan Kwaamaɨ gǝ nʊng dǝngdǝng gǝnɔ a gola nǝb nɨ a bwangtǝnɨ.”

Matta 13:55

Bwɛ nɨ n ke bɔ bʊla nǝ fɛlatǝm daa yɨmtɨn nɨ ka? Nɛnɛ gɔ ke bɔ Maryamu ka? Kɛtǝlam gǝnɔ, jǝ ke bɔ bǝ Yakubu, jǝbɔ Yusufu, jǝbɔ Saminu, jǝbɔ Yahuza ka?

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Matta 12:8

Jʊ a bwɨɨ, Bʊla Nǝlɨ nǝn gɔ Tɛlalɔ Kum Fǝbtǝmɨ.”

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 13:39

Nǝ kii nɨ a wa yǝlagɨɨ, nǝn gɔ nǝn Mammɨ. Kwama kʌsotǝmɔ, n dɨltǝm yooli, nǝb kʌsotǝmɔ n bɛtɔ twama Kwaamaɨ.

Matta 13:40

“Kanga jǝ mʊr yǝlagɔ lɛ ja twɨmɨ, yǝlam nyɔ a kum dɨltǝm yooli.

Markus 3:28

“N bɨlǝngkɛl mǝ sʊwa jen nɛɨ, Kwaama kǝlǝm kǝlǝm nǝbɔ gǝm bwɨlangkɛlɔ gwam jǝbɔ kaltǝm dun Kwaamaɨ ja maaɨ.

Luka 16:8

“Tɛlalɔ a bǝlá nǝ dʌngtǝm nɨ mɨ nǝn bɨlǝngkɛlɨ a dul yʊlan nɨ ga maaɨ. Nǝbɔ a kal nɨ a mʊgɔ yooli nɨɨ, jǝ nǝn yʊlan a mʊgɔ maajɨ jinɔ gǝm, ja laa nǝb nɨ a mʊgɔ nyalǝmɨ.

Luka 18:30

gaa nyatǝm jʊ nɨ lɛ a lada a kal nɨɨ. A kal nɨ bɛ lɛɨ, gǝ nya nya kʊlɨ nɨ mɨ dɨltǝm woi tag.”

1 Timoti 4:8

Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.