Matta 10:33 - Dadiya NT

³³ Nʊ nɨ a kana nyǝmtǝm mǝndɨ a kǝga nǝbɨɨ, mǝ kana kana nyǝmtǝm gǝnɔ a kǝga Tɨya mɨ nɨ a dʌbʌli.

Matta 10:33 Referans Kwoze

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Luka 12:9

Nʊ nɨ a kana nyǝmtǝm mǝndɨ a kǝga nǝfitʌmi, mǝ kana kana nyǝmtǝm gǝnɔ a kǝga bɛtɔ twama Kwaamaɨ.

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

2 Bitrus 2:1

Kanga galɨgǝn nǝbkuwotǝmkǝga gabakɛlɔ a jel a kʊm nǝb Kwaamaɨ, jǝ nya nya nǝb mɛlalɨ gabakɛlɔ wo a kʊm jen. Jǝ bɛ bɛ nǝn kaa mɛlalɨ gabakɛl wʊnɨ nǝbɔ mɨsɔ nyǝm lɛ gɔ n gabakɛlɨ, sǝ ja mɛla nǝbɔ gǝm gabakɛl nɨ kal ji lɛɨ. Jǝ kɔ kɔ Tɛlalɔ nɨ a ten jii. Maatǝmɔ nyɨɨ gʊ jim gʊ kalkan nɨ mɨsɔ kʊta lɛɨ.

Markus 14:30

Nǝngɔ Yesu a sʊwa gǝn gɔ, “N bɨlǝngǝn mǝ sʊwa ń nɛɨ, a mʊgɔ kum nɨ, mʊ kana kana nyǝmtǝm mǝndɨ naagɔ taal, dɨsɔ la kwalɨ jangagɔ a ma kamɨ yogɔ.”

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Markus 14:72

A kʊta bɔ nǝngɔ kwalɨ jangagɔ a ma kamɨ na yogɨɨ. Bitrus a bʊʊla kɛl nɨ Yesu a sʊwa gǝnɨ gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ na yogɔ.” Kwama a bʊʊlam kɛl nɨɨ, nǝngɔ a dem nyiyo nǝn wii.

Luka 22:57

Bitrus a kana gɔ, “Nɔɔlɨ, mǝ nyǝm gǝn bɔ.”