Matta 10:19 - Dadiya NT

¹⁹ Kwama ja lungto jen, ja yɔ nǝn jen a kan borangɨ, ka jǝ́ kom lɛ dul jenɔ a jʊ nɨ jǝ́ sʊwa lɛɨ. Yʊwa Kwaamaɨ nǝ jen nǝ jʊ nɨ jǝ́ sʊwa lɛ a kwama gɨɨ.

Matta 10:19 Referans Kwoze

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

Luka 12:11

“Na ja yɔ nǝn jen a kǝga kantɨn mɛlalɨ jǝbɔ nǝb borangɔ jǝbɔ nǝb fɔlɔnɨ, ka jǝ́ kom lɛ dul jenɔ a jʊ nɨ jǝ́ gar jim lɛɨ, jǝbɔ jʊ nɨ jǝ́ sʊwa ji lɛɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Matta 6:31

Ka jǝ́ bwan nɛ jʊ jǝ́ ja lɛɨ, jʊ jǝ́ nɔɔ lɛɨ, jʊ jǝ́ dʊʊ lɛɨ.

Matta 6:25

“Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ jǝbɔ jʊ nɨ jǝ́ nɔɔ lɛɨ, jǝbɔ jʊ nɨ jǝ́ dʊʊ lɛ a bʊtɔɨ. Kʊlɨgɔ a laa bɔ jǝjalǝn ka? Bʊtɔgɔ a laa bɔ dwangtɨn ka?

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

Matta 6:34

A dul kɛl nɨ ka jǝ́ kom lɛ dul jenɔ a fʌngɔ gǝm. Fʌngɔ bɛ lɛ nǝn komʌn gǝnɔ. Komtǝmɔ a kɔkɔgɔ dwiyeni a wʊlam.

Matta 10:18

A kɛl dul mɨ, jǝ yɔ yɔ nǝn jen a kǝga nǝb dʊʊmɨ jǝbɔ kǝga fɔlɔlɔmɨ, sǝ jǝ́ nǝ nyiyo a kǝga jin, jǝbɔ kǝga Bʌtʌbi.

Luka 12:12

Yʊwa Kwaamaɨ mɛla jem mɛla jʊ nɨ jǝ́ sʊwa ji lɛ a kwama gɨɨ.”