Matta 10:17 - Dadiya NT

¹⁷ “Bɛ jǝ́ kɨla nǝbɔ, jǝ yɔ yɔ nǝn jen a kǝga nǝb dʊʊm koteregɨɨ, ja tʊm jen nǝn banjangɨ a kan mɛlalɨ jin.

Matta 10:17 Referans Kwoze

Markus 13:9

“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.

Matta 23:34

Mǝ twam jem twam nǝbkuwotǝmkǝgagɔ, jǝbɔ nǝb nyǝmtǝmɔ, jǝbɔ nǝb mɛlalɨ diilɔ. Jǝ́ jʌbo jʌbo kaam jinɔ. Jǝ́ kʊʊ kʊʊ kaam jinɔ. Jǝ́ tʊm tʊm kaam jinɔ a kantɨn mɛlalɨ. Jǝ́ bwang jim lɛ a tuulɔtɨn jǝ́ nǝ ji gaalan nɛ.

Maajɨ Bɛtɔ Twamagɨɨ 26:11

Mǝ bwangtǝn kantɨn mɛlalɨgɔ lɛ, mǝ bʊg ji lɛ. Mǝ maa gola lɛ sǝ n dǝg ji ja soga dun Yesui. N maa nabwɨl jǝbɔ ji dangǝn, mǝ bwang jim lɛ a kaam tuulɔtɨn nǝbɨɨ, sǝ n nǝ ji gaalan.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Luka 12:11

“Na ja yɔ nǝn jen a kǝga kantɨn mɛlalɨ jǝbɔ nǝb borangɔ jǝbɔ nǝb fɔlɔnɨ, ka jǝ́ kom lɛ dul jenɔ a jʊ nɨ jǝ́ gar jim lɛɨ, jǝbɔ jʊ nɨ jǝ́ sʊwa ji lɛɨ.

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Maajɨ Bɛtɔ Twamagɨɨ 22:19

“Nǝngɔ mǝ sʊwa mǝʊ, ‘Tɛlalɔ, tʌji ja nyǝm nyɔ a kan mɛlalɨ gwam, n bwaba nǝb nɨ a nǝ bɨlǝngkɛl nǝn mʊɨ, n bʊg ji.

Ibranii 11:36

Kaamɨ a nya mogtǝm jǝbɔ banjangɨ, ja bwa ji ja mal a lɔsomi.

2 Timoti 4:15

Mɔ tǝmʊn bɛ ń kɨla gǝn. A kɔ kɛl nɨ bǝ kiyo lɛɨ.

Filibii 3:2

Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Yohana 11:47

Nǝngɔ dʊʊm nǝbkǝlamɔ jǝbɔ nǝbɔ Farisaɨ ja mʊr nǝb dʊʊm koteregɨɨ. Ja bʌbko a bʊtɔ ji gɔ, “Wɛ bǝ maa lɛɨ? Balɨ nɨ wɔ maa kanjǝl laatǝm kang lɛ a lada nyɔ.

Markus 13:12

“Kɛ lungto lungto kɨla gɔ ja jʌ, tɛ lungto lungto bʊla gɔ, bɛtɨ gun gun tʌgo a tɛtǝlam jinɔ gǝm, ja jʌ ji.

Matta 26:59

Dʊʊm nǝbkǝlamɔ jǝbɔ nǝb dʊʊm koteregɔ pʌd, jǝ saa gola nɨ lɛ jǝ nya Yesu lɛ nǝn bwɨlangkɛlɨ, sǝ jǝ saa gola nɨ jǝ jʌ gǝn nɛɨ, ja nya bɔ gola.

Maajɨ Bɛtɔ Twamagɨɨ 17:14

Tʌgo a kang nǝngɔ nǝb bwangtǝmɔ a tʊng Bulus a nyiyo wɨmaɨ. Sila jǝbɔ Timoti ja tɨ dɨn a Biriyaɨ.

Matta 20:19

Sǝla ja nǝ Bʌtʌbɔ, sǝ ja mog gǝn, ja tʊm gǝn, ja kʊʊ gǝn a dʌbʌl tɨya kʊʊtǝm. A kum na taal gun gun.”

Matta 10:18

A kɛl dul mɨ, jǝ yɔ yɔ nǝn jen a kǝga nǝb dʊʊmɨ jǝbɔ kǝga fɔlɔlɔmɨ, sǝ jǝ́ nǝ nyiyo a kǝga jin, jǝbɔ kǝga Bʌtʌbi.

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.