Matta 10:15 - Dadiya NT

¹⁵ N bɨlǝngǝn mǝ sʊwa jen nɛɨ, nǝn di borang Kwaamaɨ, jʊ bwɨ lɛ nǝn tuulɔ gɨɨ, bwɨla laa laa jʊ a bwɨ nǝn Sadumagɔ jǝbɔ Gwamratagɨɨ.

Matta 10:15 Referans Kwoze

2 Bitrus 2:6

A wul tuulɔ Sadumagɔ jǝbɔ Gwamratagɔ, a yǝlam bugom a dul kanjǝl bwɨlan nɨ ja maaɨ, sǝ a yǝlam jǝ mɛlalɨ a daa nǝb nɨ mɨ nyʊwa taal Kwaamaɨ lɛɨ.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

Markus 6:11

Daa nɨ gwam ja kɔ jen, ja yo bɔ kɛl jeni, bɛ jǝ́ buum kuulɔ a naa jeni sǝ a yǝlam jim jǝ nǝtǝm nyiyo a dul jin.”

Matta 12:36

Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi.

Matta 5:18

N bɨlǝngǝn mǝ sʊwa jen nɛɨ, na dʌbʌlɔ jǝbɔ tǝmɔ a shu bɨɨ, mɨ kaa mʊlalɨ nɨ wo jǝbɔ bɛ mʊlalɨ nɨ a mʊgɔ mʊlalɨ diilɔ gǝm shu lɛɨ, na ja yii bɔ kanjǝl nɨ gwamɨ.

Matta 7:22

Nǝbɔ a lada a kum gɔ sʊwa sʊwa gɔ, ‘Tɛlalɔ, Tɛlalɔ, nǝn maa bɔ kuwotǝmkǝga a mʊgɔ dun mʊn ka? Nǝn kaa bɔ nǝblaamɔ a mʊgɔ dun mʊn ka? Nǝn maa bɔ jǝ laatǝm kang a mʊgɔ dun mʊn ka?’

Yohana 6:39

Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 12:48

Nʊ nɨ a kɔ ɨɨ, a yo bɔ kɛl mǝndɨ tagɨ, nǝngǝn nǝn jʊ nɨ maa gǝm borangɔ lɛɨ. Kɛl nɨ mǝ sʊwa lɛɨ, nǝn gɔ maa gǝm borang lɛ a kɔkɔ dɨltǝmɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

1 Tasalonikaɨ 5:4

Kambɔ ke bɔ a mʊgɔ kumtojili jǝ́ woi, kɔkɔ nɨ ba do jen nɛ nǝn dul na nǝkuui.

Ibranii 10:25

Bɛ ka bǝ bǝla lɛ mʊrkatǝm dakini, bǝ bǝlá Kwaama kanga kaam nǝbɔ maa lɛɨ. Bɛ bǝ ja kǝga ya bǝ kʊʊka nǝl lɛ, kanga jǝ́ kuwo kɔkɔ nɨ a dwamaɨ.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Yahuza 1:7

A na nyɔ, Sadumagɔ jǝbɔ Gwamratagɔ jǝbɔ tangǝn tuulɔtɨnɔ a daa gɨɨ, nǝbɔ tʌji ja tal tʌgo a maatǝm bulon jǝbɔ bwɨlan nɨ a shu kwaanɨ, ja nʊng ji ja yǝlam jǝ mɛlalɨ, jǝ mwɛ ji nǝn kǝla nɨ mɨ dumotǝm woi.