Markus 9:7 - Dadiya NT

⁷ Nǝngɔ lulɔ ba sum jii, nǝngɔ ja nyʊwa kaa diil a mʊgɔ lul sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Jǝ́ nyʊwa gǝn.”

Markus 9:7 Referans Kwoze

2 Bitrus 1:17

Nǝn kwama a yem dʊʊnɔ jǝbɔ dʊʊlǝnɔ a daagɔ Tɛtɛ Kwaama woi, nǝn wo a daa gɔ. Nǝn nyʊwa diil Kwaamaɨ Nǝ Dʊʊlǝnɔ sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Markus 1:11

Nǝngɔ ja nyʊwa diilɔ a dʌbʌl kwama sʊwa lɛ gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Maajɨ Bɛtɔ Twamagɨɨ 7:37

“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’

Maajɨ Bɛtɔ Twamagɨɨ 1:9

Nǝn kwama a sʊwam kɛl nɨɨ, jǝ dʌng gǝn nɛ, nǝngɔ Kwaama a do gǝn a shu nǝn a dʌbʌl kwamaɨ. Lulɔ a sɔm gǝn, ja kuwo gǝn bɔ tag.

Yohana 19:7

Nǝngɔ Yahudawagɔ a tɨtǝn gɔ, “Nǝn nǝngǝn nǝn diil, a diil nǝnɔ gǝmɨ a yǝlam nyɔ ga bʊla, jʊ a bwɨɨ a do dul gǝnɔ gɔ gǝ nǝn Bʊla Kwaamaɨ.”

Yohana 9:35

Nǝn kwama Yesu a nyʊwa fulonɔ gɔ ja kaa balɨ nɨ bɛtǝmɔ a kan mɛlalɨɨ, nǝngɔ a nya gǝn a bʌ gǝn gɔ, “Ń nǝ bɨlǝngkɛl a daagɔ Bʊla Nǝlɨ woi ka?”

Yohana 5:37

Tɛtɛ mɨ nɨ a twam ɨɨ, nǝn gɔ nǝn kang gǝn a yǝlam nǝ nǝtǝm nyiyo a dul mɨɨ. Jǝ́ nyʊwa bɔ diil gǝnɔ wo naa win. Jǝ́ kuwo bɔ kǝga gǝnɔ wo tag.

Yohana 5:18

Kɛl nɨ a dǝg Yahudawagɔ a sʊtǝn saatǝm gola nɨ jǝ jʌm Yesu lɛɨ. Ja sʊwa gɔ, “Ke bɔ kaltǝm diil Kum Fǝbtǝmɔ kwaagɔ, a sʊwa tag gɔ, Kwaama nǝn Tɛtɛ gɔ. Kɛl nɨ a sʊwa nyɨɨ, a do dul gǝnɔ dǝngdǝng jǝbɔ Kwaama.”

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Matta 27:54

Nǝn kwama nɨ nǝ dʊʊ sʊwajaam nɨ jǝbɔ nǝb nɨ jǝ dakini jǝ tɔɔ Yesu lɛɨ, ja kuwo tǝmɔ a mǝgaɨ, jǝbɔ jʊ nɨ a bwɨ gwamɨ, taalɔ a ta ji. Nǝngɔ ja sʊwa gɔ, “Bɨlǝngǝn bwɛ nɨ nǝn Bʊla Kwaamaɨ!”

Matta 27:43

A ya nǝl a daa Kwaama woi, bɛ Kwaama a jǝg gǝn kǝngkǝnɨ na swɨ gǝn nɛɨ. Kanga a sʊwa gɔ, gǝ nǝn Bʊla Kwaamaɨ.”

Markus 9:6

A nyǝm bɔ jʊ sʊwa lɛɨ, jʊ a bwɨɨ ja nyʊwa taal dangǝn.

Markus 9:8

Tʌgo a daa gɔ ja dʌngi, ja kuwo bɔ kaa nǝl wo, nǝn Yesu kwaagɔ jǝbɔ jii.

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Yohana 12:28

Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”