Markus 8:6 - Dadiya NT

⁶ Nǝngɔ a dǝg nǝbɔ gɔ ja yɨ yɨɨ a tǝm. Nǝngɔ a do kʊkkʊm nɨ nʌbʌli, a buu Kwaama gǝm kangɨ, a kǝlsa dǝm dǝm, a nɨ bɛtɔ mɛlalɨ gǝnɨ gɔ ja nɨ nǝbɔ a mʊrkaɨ, nǝngɔ ja tǝga jii.

Markus 8:6 Referans Kwoze

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

Yohana 6:23

Kaam tɨyamwɛngtɨnɔ a bɛ a Tibariya, ba ja tɨ nǝn dɔɔm a daa nɨ nǝbɔ a jam kʊkkʊmɔ a gul buutǝm kang Tɛlalɔɨ.

Yohana 2:5

Nǝngɔ nyɨya Yesui a sʊwa nǝb maajɨgɨɨ gɔ, “Gwam jʊ nɨ a sʊwa jen gɔ jǝ́ maaɨ, bɛ jǝ́ maa.”

Luka 24:30

Kwama nɨ jǝ jam jǝjalǝnɔ lɛɨ, nǝngɔ a do kʊkkʊmɨ, a buu Kwaama gǝm kang, a kǝlsa, a tǝga jii.

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Matta 26:26

Nǝn kwama jǝ jam jǝjalǝnɔ lɛɨ, nǝngɔ Yesu a do kʊkkʊmɔ, a maa keligɨɨ. A kǝlsa a tǝga bɛtɔ mɛlalɨ gǝnɨ, sʊwa ji lɛ gɔ, “Jǝ́ yo jǝ́ ja. Wʊnɨ n bʊtɔ mɨ.”

Markus 8:5

Nǝngɔ Yesu a bʌ ji gɔ, “Jǝ́ na nǝn kʊkkʊmɔ nyǝn?” Nǝngɔ ja sʊwa gɔ, “Nʌbʌl.”

Markus 8:7

Jǝ nǝngǝn nǝn bɛlɨ jʌngitɨnɔ dǝm. A buu Kwaamagɔ gǝm kangɨ, nǝngɔ a sʊwa gɔ ja yo tag ja tǝga ji.

Markus 8:20

“Kʊkkʊm nɨ nʌbʌl mǝ kǝlsa nǝbɔ gǝm fʊlkʊblǝn naalɨ, daltɔ tunɔ nyǝn jǝ́ yii nǝn kʊkkʊm nɨ mǝ kǝlsa dǝm dǝmɨ?” Ja sʊwa gǝn gɔ, “Nʌbʌl.”