Markus 8:13 - Dadiya NT

¹³ Tʌgo a daa gɔ, nǝngɔ a bǝla ji a dɔ tɨyamwɛngɔ a yab a shu dʌng wuleni.

Markus 8:13 Referans Kwoze

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Yohana 12:36

Jǝ́ nǝ bɨlǝngkɛl a nyalǝmɔ gǝm nǝn kwama jǝ́ dakini jǝbɔ gɨɨ, sǝ jǝ́ yǝlam bɛtɔ lɔ nyalǝmɨ.” Nǝn kwama Yesu a dɨm sʊwatǝm kɛl nɨɨ, nǝngɔ a shu a wuum nǝn dul gǝnɨ.

Yohana 8:21

Nǝngɔ Yesu a sʊtǝn sʊwatǝm nǝbɨɨ gɔ, “Mǝ shu shu, jǝ́ saa ɨ saa ɨ, jǝ́ bʊla bʊla a mʊgɔ bwɨlangkɛl jenɔ gǝm. Daagɔ mǝ shum lɛɨ, mɨsɔ jǝ́ dwal lɛ jǝ́ yɔ wo.”

Luka 8:37

Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.

Matta 15:14

Jǝ́ bǝla ji wo, jǝ kululʌm, n nǝbɔ ta kululʌmɔ gǝm kang lɛɨ. Na kuli a ta kuli gǝm kangɨ, ya ja tǝla a bʊwa gwam jinɔ.”

Matta 7:6

“Ka jǝ́ nǝ lɛ sǝgantɨnɔ kanjǝl sagsag. Ka jǝ́ tal lɛ nyiyolitɨnɔ tɛl bʊmǝntɨn. Na jǝ́ maa nyɨɨ, jǝ fala nǝn naa, sǝ ja yǝla ja nyʊwa jem twɨla.

Markus 8:12

Nǝngɔ a sʊwa fǝbǝmɔ, a sʊwa ji gɔ, “Wɛ a bwɨ jǝ́ nǝbɔ joltɨn nɨɨ, jǝ́ swɨ kuwotǝm jǝ laatǝm kang lɛɨ? Bɨlǝngkɛl mǝ sʊwa jen nɛɨ, mɨsɔ jǝ nʊng jen nɛ wo win.”

Markus 8:14

Bɛtɔ mɛlalɨ gǝnɔ a twabǝm ja bɛ bɔ nǝn kʊkkʊm. N nʊ nɨ win swar jǝ nǝngǝn a mʊgɔ tɨyamwɛngɨ.

Maajɨ Bɛtɔ Twamagɨɨ 27:2

Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.