Markus 6:11 - Dadiya NT

¹¹ Daa nɨ gwam ja kɔ jen, ja yo bɔ kɛl jeni, bɛ jǝ́ buum kuulɔ a naa jeni sǝ a yǝlam jim jǝ nǝtǝm nyiyo a dul jin.”

Markus 6:11 Referans Kwoze

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Yahuza 1:7

A na nyɔ, Sadumagɔ jǝbɔ Gwamratagɔ jǝbɔ tangǝn tuulɔtɨnɔ a daa gɨɨ, nǝbɔ tʌji ja tal tʌgo a maatǝm bulon jǝbɔ bwɨlan nɨ a shu kwaanɨ, ja nʊng ji ja yǝlam jǝ mɛlalɨ, jǝ mwɛ ji nǝn kǝla nɨ mɨ dumotǝm woi.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

2 Bitrus 2:6

A wul tuulɔ Sadumagɔ jǝbɔ Gwamratagɔ, a yǝlam bugom a dul kanjǝl bwɨlan nɨ ja maaɨ, sǝ a yǝlam jǝ mɛlalɨ a daa nǝb nɨ mɨ nyʊwa taal Kwaamaɨ lɛɨ.

Roma 2:16

Jʊ nɨ bwɨ nǝn kumɔ Kwaama maa nǝfitʌmɔ gǝm borang lɛ a gola Yesu Kiristii, a jʊ nɨ jǝ maa lɛ daddadɨ, kanga fulon kɛl lǝmɨ nɨ mǝ kiyo lɛɨ a sʊwaɨ.

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Luka 9:5

Na ja shig jeni, na jǝ́ bǝla tuulɔ gɔ lɛɨ, jǝ́ buum kuulɔ a naa jeni sǝ a yǝlam jim gʊtǝm lɔl.”

Matta 12:36

Mǝ sʊwa jen nɛ, bwɨlang katɨ nɨ gwam nǝbɔ sʊwa lɛɨ, jǝ kiyo kiyo nǝn kɔkɔ borangɔ fʌngi.

Markus 6:10

Na lɔ nɨ jǝ́ shig wo ja yo jeni, jǝ́ yɨ wo ba la kum nɨ jǝ́ bǝlam daa gɔ lɛɨ, sǝ jǝ́ jel wo.