Markus 4:8 - Dadiya NT

⁸ Kaam dʊʊmɔ a yal a tǝm nya. Ja gii, nǝngɔ ja dʊʊla ja jel duli, kaamɨ dulɔ fʊtǝtaal taal, kaamɨ fʊltǝnukun nukun, kaamɨ fʊlkʊb fʊlkʊb.”

Markus 4:8 Referans Kwoze

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Markus 4:20

Dʊʊm nɨ a yal a tǝm nyaɨ, gǝ nʊng nǝb nɨ a nyʊwa kɛl Kwaamaɨ, ja yo, ja maa maajɨ nǝn, ba ja bɨɨ, kaamɨ bwiligɔ fʊtǝtaal taal, kaamɨ fʊltǝnukun nukun, kaamɨ fʊlkʊb fʊlkʊb.”

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Matta 13:8

Kaamɨ a yal a tǝm nyan, ja jǝg dulɔ, nugɔ a bʊm, kaamɨ dulɔ fʊlkʊb fʊlkʊb, kaamɨ fʊltǝnukun nukun, kaamɨ fʊtǝtaal taal.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Luka 8:15

Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Luka 8:8

Nǝngɔ kaam dʊʊmɔ a tǝla a tǝm nyanɨ, nǝngɔ ja dʊʊla ja jǝg dulɔ naagɔ fʊlkʊb a laa jʊ nǝ kwalagɔ a kwalɨ.” Kwama nɨ Yesu a dɨm sʊwatǝm jinɔ fulon kɛl nɨɨ, nǝngɔ a jo ji nǝn diili gɔ, “Nʊ nɨ nǝn lɔl nyʊwatǝmɨ, bɛ ga nyʊwa.”

Matta 13:23

Dʊʊm nɨ a yal a tǝm nyaɨ, gǝ nʊng nʊ nɨ a nyʊwa kɛl Kwaamaɨ, a nyǝm, maa maajɨ lɛ nǝnɨ, jǝg dʊʊmɔ lɛɨ, kaamɨ fʊlkʊb win win, kaamɨ fʊltǝnukun nukun, kaamɨ fʊtǝtaal taal.”

Markus 4:7

Nǝngɔ kaam dʊʊmɔ a yal a mʊgɔ sholaɨ, nǝngɔ sholagɔ a bǝm jii, ja maa bɔ nui.

Markus 4:9

Nǝngɔ a sʊwa gɔ, “Nʊ nɨ nǝn lɔl nyʊwatǝmɨ, bɛ ga nyʊwa.”

Afisa 2:21

N daa gǝ woi mɔtǝmɔ a mʊrka dakinii. Nǝn gɔ gǝ dǝg mɔtǝmɔ lɛ a ja kǝga ya gun nɛɨ, ba yǝlam Kan Kwaaman sagsag a Tɛlalɔɨ.