Markus 4:15 - Dadiya NT

¹⁵ Dʊʊm nɨ a yal a golaɨ, gǝ nʊng nǝbɔ gǝ nyʊwa kɛl Kwaamaɨ lɛɨ, kwama a nyʊwamɨ, mɨ gǝ ta bʊtɔ lɛ, Mammɔ ba gǝ yem yem kɛl nɨ ja wa a mʊgɔ nǝl jini.

Markus 4:15 Referans Kwoze

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

2 Korinti 2:11

Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.

Luka 8:12

Dʊʊm nɨ a tǝla a golaɨ, n nǝb nɨ na a nyʊwa kɛl Kwaamaɨ, Mammɔ ba jǝgǝm a mʊgɔ nǝl jinɔ gǝmɨ, sǝ ja nǝ bɔ bɨlǝngkɛl nɨ jǝ bʊʊm lɛɨ.

Markus 4:4

Nǝn kwama nɨ gǝ wam dʊʊmɔ lɛɨ, nǝngɔ kaam dʊʊmɔ a tǝla a golaɨ, nǝngɔ lǝbɨtɨnɔ ba sobamɨ.

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.

Dʊgam Nyangnyang 20:7

Nǝn kwama nɨ jolɔ fʊlkʊblǝnɔ a dɨɨ, jǝ dem dem Mammɔ gǝm kang a lɔsomi.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.

2 Tasalonikaɨ 2:9

Fɔlɔ kutʌm bwɨla nɨ bɛ a kwaan fɔlɔn Mammɨ, maa kanjǝl laatǝm kang gabakɛl lɛ, jǝbɔ kanjǝl nʊngtǝm, jǝbɔ kanjǝl tatǝm kang a nyiyo.

Matta 22:5

“Ja swa bɔ lɔl, ja shu. Kaa a shu a twam gǝn. Kaa a shu a gamdʌbo.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Matta 4:10

Nǝngɔ Yesu a sʊwa gǝn gɔ, “Kʌlʌm shu fɔ a kǝga mɨ Mamm! A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Maajɨ Bɛtɔ Twamagɨɨ 17:32

Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

Markus 4:14

Nʊ nɨ wa dʊʊmɔ lɛɨ, gǝ wa kɛl Kwaamaɨ.

Markus 4:16

Kaam dʊʊm nɨ a yal a nyǝkshɨnɨ, gǝ nʊng nǝbɔ gǝ nyʊwa kɛl Kwaamaɨ lɛ ja yo nǝn fulotǝm nǝlɨ.