Markus 4:11 - Dadiya NT

¹¹ Nǝngɔ a sʊwa ji gɔ, “A jenɔ ja kwɛl ja sʊwa jen sʊwaɨ jʊ ja yʊ yʊɨ a fɔlɔn lɔ Kwaamaɨ. A tangǝn nǝbɨɨ mǝ sʊwa ji a mʊgɔ mʊsǝn kɛl,

Markus 4:11 Referans Kwoze

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Luka 8:10

Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

1 Tasalonikaɨ 4:12

Jǝ́ maa nyɔ sǝ nǝb nɨ ke bɔ nǝb bwangtǝmɨ ja nǝ jen dʊʊn. Ka jǝ́ ya lɛ nǝbɔ gǝm tuulo.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.

1 Timoti 3:7

Bɛ ga yǝlam nʊ nɨ a nya dun nyan a mʊgɔ nǝb nɨ ke bɔ nǝb bwangtǝmɨ, kage a yǝlam jǝ gunidul, a yal a mʊgɔ lan Mammɨ.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Matta 16:17

Nǝngɔ Yesu a sʊwa gǝn gɔ, “Saminu bʊla Yunanaɨ, bɛ Kwaamagɔ a nǝ ń bwili. Ke bɔ nǝfili a nǝ ń kwaan nyǝmtǝm jʊ nɨɨ, Tɛtɛ mɨ nɨ a kwamaɨ nǝn gɔ a nʊng ń nɨ.

Matta 13:16

Nu jenɔ a nya bwili, jʊ a bwɨɨ jǝ kuwo lɛ, lɔl jenɔ tʌji ja nya bwili, jʊ a bwɨɨ jǝ nyʊwa lɛ.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

Markus 3:23

Nǝngɔ Yesu a jo ji, a sʊwa ji mʊsǝn kɛlɔ gɔ, “Mammɔ nǝn kwaan jǝg Mamm lɛɨ ka?

Markus 4:2

A mɛla jim kanjǝlɔ a lada nǝn mʊsǝn kɛltɨn. Nǝngɔ a sʊwa ji gɔ,

Markus 4:10

Nǝn kwama nɨ Yesu yǝm kwaagɔ wini, nǝngɔ kʊb jeli yo nɨ jǝbɔ kaam nǝb nɨ jǝbɔ gɨɨ, ja kel gǝn gɔ ga sʊwa ji jʊ mʊsǝn kɛl nɨ nʊng lɛɨ.