Markus 3:7 - Dadiya NT

⁷ Nǝngɔ Yesu a gun jǝbɔ bɛtɔ mɛlalɨ gǝnɔ, ja bǝla tuulɔngɔ ja shu a nyiyo wɨma Galilii. Kʌm nǝbɨɨ a lada na a bwang gǝmɨ. Nǝbɔ Galilii, jǝbɔ nǝbɔ Yahudiyaɨ,

Markus 3:7 Referans Kwoze

Luka 6:17

Yesu a gǝla jǝbɔ bɛtɔ mɛlalɨ gǝnɔ. Nǝngɔ a tɨ a kaa daa nɨ talɨgɔ nǝn bambam nyɨɨ. Bwɨ bɛtɔ mɛlalɨ gǝnɔ wo a daa gɔ. Tonʌn nǝbɨɨ a bɛ a daatɨnɔ gǝm nǝn dʌmʌn a tǝm Yahudiya, jǝbɔ Urushalima, jǝbɔ Taya, jǝbɔ Sidon tǝmtɨn nɨ a kʌng wɨmaɨ.

Matta 4:25

Nǝbɔ a lada nyɔ na a bwang gǝm a mʊgɔ Galilii, jǝbɔ Dikafolis, jǝbɔ Urushalima, jǝbɔ Yahudiya jǝbɔ tangǝn tǝmtɨn nɨ a dʌng tiyo Urduni.

Matta 12:15

Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ.

Luka 23:5

Ja tɨtǝn gɔ, “Mɛlalɨ gǝnɔ a gung nǝl nǝbɨɨ gwam a tǝm Yahudiya. A tǝl a mʊgɔ Galili, nǝngɔ ba la daa nɨɨ.”

Luka 6:12

Nǝn kumtɨn nɨ Yesu ya gwi kaa yem, sǝ a kela Kwaama. A daa kumɔ win kela Kwaama lɛ.

Markus 1:39

Kɛla lɛ a mʊgɔ Galili, kiyo kɛl Kwaamaɨ lɛ a kantɨn mɛlalɨ, jǝg nǝbɔ gǝm nǝblaamɔ lɛ.

Matta 10:23

Na jǝ nǝ jen gaalan nɛ a kaa tuulɔɨ, jǝ́ mwal jǝ́ shu a kaa tuulɔ. N bɨlǝngǝn mǝ sʊwa jen nɛɨ, mɨsɔ jǝ́ dɨɨ kɛlatǝm tuulɔtɨn Israilagɔ lɛ gwam, sǝ Bʊla Nǝlɨ a bɛ.

Maajɨ Bɛtɔ Twamagɨɨ 17:14

Tʌgo a kang nǝngɔ nǝb bwangtǝmɔ a tʊng Bulus a nyiyo wɨmaɨ. Sila jǝbɔ Timoti ja tɨ dɨn a Biriyaɨ.

Maajɨ Bɛtɔ Twamagɨɨ 17:10

Kumɔ a fi dangǝnɨ, nǝngɔ nǝb bwangtǝmɔ a ywa Bulus jǝbɔ Sila a gola Biriyaɨ. Ya ja la fʌlen tagɨ, nǝngɔ ja dɔ kan mɛlalɨ Yahudawagɨɨ.

Yohana 7:52

Nǝngɔ ja jǝla gǝn gɔ, “Mɔ tǝmʊn mʊ bwɛ Galilii ka? Fɛ ń dʌng kɛl Kwaamaɨ sǝ ń kuwo, mɨ nǝkuwotǝmkǝga nɨ jel lɛ a mʊgɔ Galilii.”

Yohana 7:41

Kaamɨ gɔ, “Nʊ nɨ nǝn Kiristi.” Tangǝnɔ gɔ, “Kiristi nɨ jel jel a mʊgɔ Galili ka?

Matta 12:16

Nǝngɔ a gʊ lɔl jinɔ gɔ ka ja sʊwa lɛ nǝbɔ gɔ gǝ nǝn nuwo.

Markus 1:45

Nʊ nɨ a maa bɔ kanga ja sʊwa gǝnɨ, a jel nǝngɔ sʊwa nǝbɔ fulon kɛl nɨ lɛ a daatɨnɔ gǝm gwamɨ. Jʊ nɨ ga maaɨ, a dǝg Yesu a dɔ bɔ kaa tuulɔ, gǝ yɨ a daa nɨ mɨ nǝb woi. Maatǝmɔ nyɨɨ, nǝbɔ a daatɨnɔ gǝm gwam bɛ lɛ a daa gǝ woi.

Markus 3:20

Nǝn kwama Yesu a dɔ kaa lɔɨ, nǝbɔ a yǝla a mʊrka tʌgo tag. Gɔ jǝbɔ bɛtɔ mɛlalɨ gǝnɔ, ja ke bɔ kang jatǝm jǝjalǝn.

Markus 4:1

Nǝngɔ Yesu a yǝla a tǝl mɛla nǝbɔ gǝm lɛ a kʌng wɨmaɨ. Nǝbɔ a lada ba kang gǝnɨ, a nya bɔ daa nɨ tɨm lɛɨ, nǝngɔ a dɔ mʊgɔ tɨyamwɛngɔ a yɨ woi, nǝbɔ tɨm a kʌng wɨmagɔ gǝm.