Markus 2:12 - Dadiya NT

¹² Nǝngɔ a gun tʌgo a kang dangǝn a do wɨlǝn gǝnɔ a jeli. Nǝbɔ woi dʌng gǝn nɛɨ, ja ta kang a nyiyo, jǝ bǝlá Kwaama lɛ jǝ sʊwa lɛ gɔ, “Bǝ kuwo bɔ kaa jǝl wo na jʊ nɨ a bwɨɨ.”

Markus 2:12 Referans Kwoze

Matta 9:33

Kwama nɨ a jǝgǝm bwɛlaagɨɨ, nǝngɔ nʊ nɨ a sʊwa kɛlɨ, mʊrkalɨ nǝbɨɨ a ta kang a nyiyo, nǝngɔ ja sʊwa gɔ, “Bǝ kuwo bɔ jǝ laatǝm kang nɨ wo nyɔ a mʊgɔ Israila.”

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Luka 7:16

Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Maajɨ Bɛtɔ Twamagɨɨ 4:21

Ja gʊ jim lɔl dangǝnɨ, nǝngɔ ja dem jim kangɨ. Ja nya bɔ gola nɨ jǝ mwɛm ji lɛɨ, jʊ a bwɨɨ nǝbɔ gwam bǝlá Kwaama lɛ nǝn jʊ nɨ a bwɨɨ.

Yohana 9:32

A tǝltǝm yooli nɨ a bɛ nǝn a dwiyeni, bǝ nyʊwa bɔ kaa nǝl wo a wum nu nʊ nɨ ja bʌ gǝn n kulii.

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Luka 17:15

Nǝngɔ win a kʊm jin a kuwo Yesu a gung gǝnɨ, a yǝla a bɛ a daa Yesu woi, bǝlá Kwaama lɛ nǝn diil.

Luka 13:13

Nǝngɔ a ya gǝm kangɔ a dul gǝnɔ gǝmɨ. Nǝngɔ nɔɔlɨ nɨ a gun a tɨ sɨn, bǝlá Kwaama lɛɨ.

Luka 5:26

Nǝbɔ gwam a ta kang a nyiyo, jǝ bǝlá Kwaama lɛ. Jʊ ja kuwoi, taalɔ a ta ji, nǝngɔ ja sʊwa gɔ, “Dwiyen bǝ kuwo jǝ laatǝm kang.”

Markus 1:27

Gwam jinɔ ja ta kang a nyiyo, jǝ bʌbko lɛ gɔ, “Jʊ nɨ n wɛ nyɨɨ? Dwiyen kaa jǝ fɨ wɔ! Bwɛ nɨ nǝn fɔlɔn, wɔ ga yʊwa bwɨlantɨnɔ gǝm wulong lɛ, yʊwa bwɨlantɨnɔ tʌji jǝ nyʊwa diil gǝnɔ lɛ.”

Matta 15:31

Nǝbɔ a lada a ta kang a nyiyo, jʊ a bwɨɨ ja nyʊwa gɔ nǝbɔ nyiyogɔ a ta taɨ sʊwa kɛl lɛ kǝngkɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla kwama tʌgo, nǝbɔ naagɔ a swam swamɨ, yɔ yɔm lɛ, jǝbɔ kululʌmɔ kuwo daagɔ lɛ kǝngkɔ. Nǝngɔ ja bǝlá Kwaama Israilaɨ.

Matta 12:23

Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”

Markus 2:11

“Gun do wɨlǝn mʊnɔ shu a lɔ.”