Markus 16:9 - Dadiya NT

⁹ Guntǝm Yesui a bwaa nǝn kumsʌl nǝn kɔkɔ dibɨlɨɨ, a tǝl a nʊng Maryamu bwɛn Magadaliyaɨ dul gǝnɔ, nɔɔlɨ nɨ Yesu a jǝg gǝm nǝblaamɔ nʌbʌli.

Markus 16:9 Referans Kwoze

Luka 8:2

Kaam nɔɔtǝm nɨ ga jǝg jim yʊwa bwɨla jǝbɔ kaam bɔɔlatɨnɨ, bwang gǝm lɛ tʌji. Win a kʊm nɔɔtǝm nɨ nǝn Maryamu wʊnɨ jǝ jo lɛ gɔ bwɛn Magadaliyaɨ, wʊnɨ ga jǝg gǝm nǝblaamɔ nʌbʌli,

Yohana 20:12

Nǝngɔ a kuwo kaam bɛtɔ twama Kwaamaɨ yo nǝn dwang fulontɨn jǝ yǝm a daa nɨ bʌlʌn Yesui woi, win yǝm a gwanga dul Yesui, win a gwanga naatɨn gǝn.

Markus 15:47

Maryamu bwɛn Magadaliyaɨ jǝbɔ Maryamu nyɨya Yusufui ja kuwo daagɔ ja yam gǝnɨ.

Luka 24:10

Nɔɔtǝm nɨ a sʊwa nǝbɔ kɛl nɨ jǝbɔ bɛtɔ twama gǝnɨ, nabɔ Maryamu bwɛn Magadaliyaɨ, jǝbɔ Yuwana, jǝbɔ Maryamu nyɨya Yakubui, jǝbɔ kaam nɔɔtǝm nɨ jǝ dakinii.

Matta 27:56

A kʊm jin Maryamu bwɛn Magadaliyaɨ, jǝbɔ Maryamu nyɨya Yakubui jǝbɔ Yusufui, jǝbɔ nyɨya bɛtɔ lɔ Zabadii.

Markus 15:40

Kaam nɔɔtǝm tʌji tɨlam wo a kʊta, ja kuwo. A kʊm jin Maryamu bwɛn Magadaliyaɨ jǝbɔ Maryamu nyɨya Yakubu dwalɨgɨɨ, kɨla Yusufui, jǝbɔ Salomi,

Dʊgam Nyangnyang 1:10

Nǝn di kɔkɔ bǝlátǝm Tɛlalɔɨ, mǝ na a mʊgɔ Yʊwa. Nǝngɔ mǝ nyʊwa kaa diil nǝn kwaan na guutǝm jum a gul mɨɨ.

1 Korinti 16:2

Na nǝn dibɨlɨɨ, bɛ gwam jenɔ jǝ́ saa kemʌn ya jǝ́ ya lɛ dǝngdǝng nyatǝm jenɔ. Ka jǝ́ yam lɛ na n bɛɨ, sǝla jǝ́ mʊr tɨkalɨ jenɔ.

Maajɨ Bɛtɔ Twamagɨɨ 20:7

Nǝn dibɨlɨ nǝn mʊrka sǝ nǝn tǝga jǝjalǝnɔ sǝ nǝn ja. Nǝngɔ Bulus a sʊwa ji kɛlɨ. Swɨ lɛ gǝ shu nǝn tǝmsɛlɨ, a sʊwa kɛlɔ dɨlagɔ a kan nǝn.

Markus 16:8

Nɔɔtǝm nɨ ja yǝla wo a kalfʌto nǝn sʊgɔl, nǝn komtǝm jǝbɔ katǝm bʊtɔ kʌbkʌb. Ja sʊwa bɔ kɛl, jʊ a bwɨɨ jǝ nyʊwa taal lɛ.