Markus 13:11 - Dadiya NT

¹¹ Na ja ta jen ja yɔ nǝn jen a kan borangɨ, ka jǝ́ kom lɛ dul jenɔ jengɔ n wɛ jǝ́ gar jim lɛɨ, gwam jʊ nɨ Kwaama a nʊng jeni n jʊ jǝ́ sʊwa lɛ a kwama gɨɨ. N ke bɔ jen jǝ́ gar kɛlɔ lɛɨ, n Yʊwa Kwaamaɨ gar lɛɨ.

Markus 13:11 Referans Kwoze

Maajɨ Bɛtɔ Twamagɨɨ 6:10

Ja la bɔ dul nǝn gɔ, jʊ a bwɨɨ, gǝ sʊwa kɛlɔ nǝn nyǝmtǝm nɨ Yʊwa Kwaamaɨ a nǝ gǝnɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Korinti 2:13

Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Afisa 3:5

a wʊnɨ a yooli nɨ galɨgǝn a sʊwa bɔ nǝfitʌm woi, kanga kǝngkɔ a nʊng bɛtɔ twama sagsagɔ jǝbɔ nǝbkuwotǝmkǝgagɔ a gola Yʊwaɨ.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Yohana 3:27

Nǝngɔ Yohana a jǝla gɔ, “Mɨ nǝn nʊ nɨ nya jǝl lɛ, na ja nǝ gǝn bɔ a dʌbʌli.

Markus 13:9

“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.

Matta 10:17

“Bɛ jǝ́ kɨla nǝbɔ, jǝ yɔ yɔ nǝn jen a kǝga nǝb dʊʊm koteregɨɨ, ja tʊm jen nǝn banjangɨ a kan mɛlalɨ jin.

Maajɨ Bɛtɔ Twamagɨɨ 7:55

Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ.

Maajɨ Bɛtɔ Twamagɨɨ 6:15

Nǝb nɨ gwam yǝm a daa nǝb dʊʊm koteregɨɨ ja tal gǝm nu. Ja kuwo kǝga gǝnɔ a yǝlam na kǝga bwɛ twama Kwaamaɨ.

Markus 13:12

“Kɛ lungto lungto kɨla gɔ ja jʌ, tɛ lungto lungto bʊla gɔ, bɛtɨ gun gun tʌgo a tɛtǝlam jinɔ gǝm, ja jʌ ji.

Luka 21:12

“Sǝla kanjǝl nɨ a bwɨ gwam, jǝ taba jen taba, ja nǝ jen gaalan. Jǝ yɔ yɔ nǝn jen a kǝga kantɨn mɛlalɨ sǝ ja maa jem borang. Ja kubʌl jen a lɔsomi. Jǝ yɔ yɔ nǝn jen a kǝga fɔlɔlɔmɨ jǝbɔ kǝga nǝb dʊʊm a kɛl dun mɨ.