Markus 13:10 - Dadiya NT

¹⁰ Dɨltǝm tǝmɔ mɨsɔ bwɨ lɛ, na ja kiyo bɔ bǝlǝntǝmɔ gǝm gwam fulon kɛl lǝmɨgɨɨ.

Markus 13:10 Referans Kwoze

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Dʊgam Nyangnyang 14:6

Nǝngɔ mǝ kuwo kaa bwɛ twama Kwaamaɨ bola lɛ a dʌbʌl kwamaɨ, bɛ lɛ nǝn fulon kɛl lǝmɨ nɨ mɨ dɨtǝm woi, sǝ a kiyo tǝmɔ yooli nɨ, jǝbɔ Bʌtʌbɔ, jǝbɔ nyiyotɨnɔ, jǝbɔ nǝbɔ gwam.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

Roma 1:8

A tǝltǝmɔ gǝm mǝ buu Kwaama mǝndɨ gǝm kang lɛ a gola Yesu Kiristii a dul jen pʌd, jʊ a bwɨɨ ja sʊwa kɛl nǝtǝm bɨlǝngkɛl jenɔ a daatɨnɔ gǝm gwam a yooli nɨ.

Matta 12:41

Galɨgǝn nǝbɔ Ninebaɨ a yǝla a bǝla bwɨlangkɛl jinɔ a gola fulon kɛlɔ Yunana a sʊwa jii. Kǝngkɔ nʊ nɨ a laa Yunanaɨ n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ nǝbɔ Ninebaɨ jǝ gun gun tʌgo a kal nɨ gǝm sǝ ja buulʌm jʊ ja maaɨ.