Markus 12:12 - Dadiya NT

¹² Dʊʊm Yahudawagɔ a nyǝm gǝ sʊwa mʊsǝn kɛl nɨ a dul jii, nǝngɔ ja saa gola nɨ lɛ jǝ tam gǝn nɛɨ. Jǝ nyʊwa taal nǝbɨɨ lɛ, nǝngɔ ja bǝla gǝn a shui.

Markus 12:12 Referans Kwoze

Markus 11:18

Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.

Yohana 7:44

Kaamɨ swɨ lɛ jǝ ta gǝn. Mɨ nǝn nʊ nɨ a ke gǝnɨ.

Yohana 7:30

Yesu a sʊwa kɛl nɨɨ, nǝngɔ nǝbɔ saa lɛ sǝ jǝ ta gǝnɨ. Mɨ nʊ nɨ wo a ke gǝnɨ, jʊ a bwɨɨ kwama gǝnɔ a lǝga bɔ a la.

Yohana 7:25

Nǝngɔ kaam nǝbɔ Urushalimaɨ a sʊwa gɔ, “Ke bɔ nʊ nɨ jǝ saa lɛ ja jʌi ka?

Markus 11:32

Bǝ sʊwa bǝngɔ a jel a daagɔ nǝfili woi ka?” (Jǝ nyʊwa taal jʊ nɨ lɛ nǝbɔ maa jim lɛɨ, jʊ a bwɨɨ nǝbɔ a kwɛl a do gǝn gɔ, Yohana n nǝkuwotǝmkǝga.)

Matta 22:22

Ja nyʊwa nyɨɨ, nǝngɔ ja ta kang a nyiyoi, ja bǝla gǝn, ja shui.

Luka 20:19

Nǝb mɛlalɨ diilɔ jǝbɔ dʊʊm nǝbkǝlamɔ ja nyǝm Yesu a sʊwa mʊsǝn kɛl nɨ a dul jini, n jʊ a bwɨ jǝ swɨ lɛ ja ta Yesu tʌgo a kangɨ. Ja ta gǝn bɔ jʊ a bwɨɨ jǝ nyʊwa taal nǝbɨɨ lɛ.

Luka 20:6

Na bǝ sʊwa bǝngɔ a jel a daagɔ nǝfili woi, nǝb nɨ gwam mala bǝn mala nǝn tɛl sǝ ja jʌ bǝn, jʊ a bwɨɨ nǝbɔ gwam a jǝla gɔ Yohana n nǝkuwotǝmkǝga.”

Matta 21:26

Na bǝ sʊwa bǝngɔ, ‘A jel a daa nǝfili woi,’ bǝ nyʊwa taal lɛ jʊ nǝfitʌmɔ maa bǝm lɛɨ, jʊ a bwɨɨ nǝbɔ gwam a do Yohana n nǝkuwotǝmkǝga.”