Markus 12:1 - Dadiya NT

¹ Yesu a ja kǝga sʊwa ji mʊsǝn kɛlɔ lɛ gɔ, “Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ.

Markus 12:1 Referans Kwoze

Markus 13:34

Gǝ na na nʊ nɨ a jel shu lɛ a yɔmɨ. Shu lɛɨ, a bǝla dʌngtǝm lɔ gǝnɔ a kang bɛtɔ jwaalɛn gǝnɨ, gwam jinɔ ji nǝn jǝ maatǝm. A sʊwa nǝ dʌngtǝm nyanga lɔngɔ gɔ a yɨ nǝn fɛkalɨ.

Markus 4:2

A mɛla jim kanjǝlɔ a lada nǝn mʊsǝn kɛltɨn. Nǝngɔ a sʊwa ji gɔ,

Matta 25:14

“Fɔlɔn lɔ Kwaamaɨ gǝ na na kaa nǝl yilo a yɔmɨ, nǝngɔ a jo jwaalɛb gǝnɔ a nǝ ji dʌngtǝm kanjǝl lɔ gǝnɔ gwamɨ.

Maajɨ Bɛtɔ Twamagɨɨ 7:38

Nǝn gɔ a mʊgɔ nǝb nɨ a mʊrka a kuuli. Nǝn gɔ dakini jǝbɔ bwɛ twama Kwaamaɨ nɨ a sʊwa gǝn kɛl a dʌbʌl Yem Sinaii. Nǝn gɔ dakini jǝbɔ tʊgalam bǝnɨ. Nǝn gɔ a yo kɛl kʊlɨ nɨ a bɛ bǝm nǝnɨ.

Luka 19:12

Nǝngɔ a sʊwa ji gɔ, “Kaa nǝl wo a fʌl fɔlɔn, a gun a shu a kaa tǝm a kʊta kʊtaɨ, sǝ ya ja ya gǝn fɔlɔn sǝ a yǝla a bɛ.

Luka 15:13

“A kʊta bɔ, nǝngɔ bwɛ dwalɨgɔ a mʊr kanjǝl gǝnɔ gwam a bǝla lɔngɨ. A shu a kaa tuulɔ nɨ a kʊta kʊtaɨ, ya jʌm kanjǝl gǝnɔ a yʊwaɨ.

Luka 8:10

Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.

Matta 21:28

“Jǝ́ kuwo nyǝn? Kaa nǝl wo nǝn bɛtɔ batǝnɔ yo. A yɔ a daa bwɛ tɨkǝgagɔ woi, nǝngɔ a sʊwa gǝn gɔ, ‘Bʊla mɨ, dwiyen yɔ ya maa maajɨgɔ a mʊgɔ tɔtwam.’

Luka 22:9

Ja bʌ gǝn gɔ, “Nǝn fɛka mʊn jǝjalǝn nɨ a fee?”

Matta 13:3

A sʊwa ji kanjǝlɔ a lada nǝn mʊsǝn kɛl, a sʊwa gɔ, “Kaa nǝ jʊngtǝm twam a jel ya wa dʊʊm a tɔtwam gǝn.

Matta 21:33

“Kaa mʊsǝn kɛlɔ wɔ tag. Kaa nǝl wo a kwal tɔtwam fogfogi, a kang nǝn kwalɨ, a wʊ bʊwa yamtǝm tʊʊl fogfogigɔ. A fɛ sǝlɨgɔ a deba nyɔ na dʌngtǝm tɔtwam. Nǝngɔ a nǝ kaam nǝb gɔ ya ja jʊng lɛɨ, nǝngɔ a shu a kaa tǝmɨ.

Matta 21:34

Kwama kwasatǝmɔ a laɨ, nǝngɔ a twam kaam jwaalɛb gǝnɔ gɔ, ‘Jǝ́ yɔ a daagɔ nǝb nɨ mǝ nǝ ji twam ywatǝmɨ, jǝ́ yo mɨ a mɨ tʊʊl tɨyagɔ.’

Markus 3:23

Nǝngɔ Yesu a jo ji, a sʊwa ji mʊsǝn kɛlɔ gɔ, “Mammɔ nǝn kwaan jǝg Mamm lɛɨ ka?

Markus 11:33

Nǝngɔ ja jǝla Yesu gɔ, “Nǝn nyǝm bɔ.” Nǝngɔ Yesu a sʊwa ji gɔ, “Mǝ tǝmɨ mɨsɔ mǝ sʊwa jen fɔlɔn nʊ nɨ lɛ mǝ maam kanjǝl nɨ lɛ nǝnɨ.”