Jǝ sʊwa sʊwa gɔ, “N wɛ a bwɨ nǝn swatǝm yaa bɛtǝm gǝnɨ? Nǝn kwama tʊgam tʊgalam bǝnɔ a bʊlalaɨ a ba la nǝn dwiyeni, mɨ nǝn jʊ nɨ a fʌtoi. Nǝn kwama ja fwalǝm yooligɔ ba a la nǝn a dwiyeni, kanjǝlɔ yɔ lɛ dǝngdǝng.”
Nǝn kwama gɔ, jǝ maa maa gaalan bwɨla wʊnɨ nǝbɔ a kuwo bɔ woi nǝn jʊ a ta nǝn kwama Kwaama a fwalǝm yooligɔ ba la nǝn kǝngkɨɨ. Kanjǝl bwɨla nɨ a jelka a wʊnɨ mɨsɔ bwɨ lɛ wo tag.
A fwaltǝm yooligɔ gǝm a bɛ nǝn a kǝngkɨɨ, kanjǝl bʊmɨ Kwaamaɨ nɨ mɨ jǝ kuwo lɛɨ, kwaan gǝnɔ nɨ mɨ dɨtǝm woi, jǝbɔ yɨm gǝnɔ, ja kuwo nyangnyang ja nyǝm a gola kanjǝl nɨ ga fwalɨ. A dul kɛl nɨ nǝb nɨ mɨ ji nǝn tabatǝm fɨɨ.
