Markus 10:43 - Dadiya NT

⁴³ Mɨsɔ yǝlam lɛ nyɔ a kʊm jen. Na nʊ nɨ swɨ lɛ a yǝlam dʊʊ a kʊm jeni, bɛ ga yǝlam bwɛ jwaalɛ a kʊm jen.

Markus 10:43 Referans Kwoze

Luka 14:11

Nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Markus 9:35

Nǝngɔ Yesu a yɨ, a sʊwa bɛtɔ mɛlalɨ gǝnɔ nɨ kʊb jeli yoi gɔ, “Nʊ nɨ swɨ lɛ a yǝlam na tɨkǝgaɨ, bɛ ga yǝlam na gul, ga yǝlam bwɛ jwaalɛ tangǝnɨ.”

Luka 9:48

Nǝngɔ a sʊwa ji gɔ, “Nʊ nɨ a yo bwɛ dwalɨ na wʊnɨ nǝn dun mɨɨ, nǝmǝ ga yo ii. Nʊ nɨ a yo ii, a yo nʊ nɨ a twam ɨɨ. Nʊ nɨ a dwal a kʊm jeni, nǝn gɔ n dʊʊɨ.”

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Yohana 18:36

Yesu a jǝla gɔ, “Fɔlɔn mǝndɨ ke bɔ na yooli nɨɨ. Na na fɔlɔn mǝndɨ na yooli nɨɨ, na bɛtɔ jwaalɛn mǝndɨ ta ta kun kage Yahudawagɔ a ta ɨ. N bɨlǝngǝn fɔlɔn mǝndɨ mɨ a daa nɨ gǝm.”

Luka 18:14

“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Markus 10:42

Nǝngɔ Yesu a jo ji a daa gǝ woi a sʊwa ji gɔ, “Jǝ́ nyǝm nǝb nɨ n Bʌtʌbi ja nǝ ji fɔlɔnɨ, jǝ nʊng nʊng nǝbɔ kwaan, nǝb dʊʊm jinɔ jǝ nʊng nǝbam jinɔ kwaan fɔlɔn.

Markus 10:44

Nʊ nɨ swɨ lɛ a yǝlam dʊʊ kotere a kʊm jen tagɨ, bɛ ga yǝlam bwɛ jwaalɛ tangǝnɨ gwam.

Luka 22:26

Bɛ ka yǝlam lɛ nyɔ a kʊm jen. Bɛ dʊʊgɔ a kʊm jeni a yǝlam bwɛsǝn. Nʊ nɨ a kǝga jǝbɔ jeni a yǝlam na bwɛ jwaalɛ.