Markus 1:21 - Dadiya NT

²¹ Yesu jǝbɔ nǝb nɨ bwang gǝm lɛɨ, ja dɔ mʊgɔ Kafarnahum. Nǝngɔ a dɔ kan mɛlalɨ nǝn Kum Fǝbtǝm a tǝl mɛla jim lɛɨ.

Markus 1:21 Referans Kwoze

Markus 6:2

Nǝn Kum Fǝbtǝm, nǝngɔ a tǝl mɛlalɨgɔ a Kan mɛlalɨɨ. Nǝbɔ a lada na nyʊwa gǝn nɛɨ, ja ta kang a nyiyo, jǝ sʊwa lɛ gɔ, “Nʊ nɨ a nya yʊlan nɨ a fee gwam? Nyǝmtǝm wɛ ja nǝ gǝn nyɨɨ? Ga nya kwaan maatǝm jǝ laatǝm kang nɨ a fee?

Markus 1:39

Kɛla lɛ a mʊgɔ Galili, kiyo kɛl Kwaamaɨ lɛ a kantɨn mɛlalɨ, jǝg nǝbɔ gǝm nǝblaamɔ lɛ.

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Maajɨ Bɛtɔ Twamagɨɨ 17:2

Nǝngɔ Bulus a dɔ daa ji woi, kanga gǝ maam lɛɨ. Kum Fǝbtǝmɔ taal bǝngka kɛl lɛ jǝbɔ ji a mʊlalɨ langǝn bwangǝn Kwaamaɨ.

Maajɨ Bɛtɔ Twamagɨɨ 18:4

Nǝn Kum Fǝbtǝmɔ gwam Bulus gǝ gʊbka gʊbka jǝbɔ ji a kan mɛlalɨ. Swɨ lɛ a gʊ Yahudawagɔ jǝbɔ Bʌtʌbɔ sǝ ja nǝ bɨlǝngkɛl.

Matta 4:13

A bǝla Nazaratɨ, nǝngɔ a shu ya yɨ a Kafarnahumi, daa gɔ gǝ na a gwanga wɨma a tǝm Zabalunaɨ jǝbɔ Naftali.

Luka 13:10

Kaa di Yesu maa mɛlalɨ lɛ a mʊgɔ kan mɛlalɨ nǝn Kum Fǝbtǝm.

Luka 10:15

Jǝ́ nǝbɔ Kafarnahumi jǝ́ kuwo lɛ jǝ gung jen a dʌbʌl ka? Ɔ ɔ, jǝ gǝla nǝn jen a daa yamtǝm borang.

Luka 4:16

Yesu a shu a Nazarat, a daagɔ a dʊʊlǝmɨ. A dɔ kan mɛlalɨ a Kum Fǝbtǝm kanga gǝ maam lɛɨ. Nǝngɔ a gun sǝ a kiyoi.

Markus 10:1

Yesu a bǝla daa gɔ, a shu a gwanga Yahudiyaɨ jǝbɔ tiyo Urdun a dʌng wini. Nǝbɔ a lada nyɔ a yǝla a mʊrka a daa gǝ woi, nǝngɔ a mɛla jim kanga gǝ maam lɛɨ.

Markus 2:1

Kumtɨnɔ a gǝlala bɔ, nǝngɔ Yesu a yǝla a bɛ a Kafarnahumi, nǝbɔ a nyʊwa fulon gǝnɔ gɔ gǝ na a lɔ.

Markus 1:20

Mɨ tatǝm bʊtɔ wo a jo jii, nǝngɔ ja bǝla tɨya ji Zabadi a mʊgɔ tɨyamwɛng jǝbɔ nǝb maajɨ gǝnɔ, ja bwang gǝmɨ.

Markus 1:29

Jeltǝm jinɔ nyɔ a kan mɛlalɨ jǝbɔ Yakubu, jǝbɔ Yohanaɨ, nǝngɔ ja shu a lɔ Bitrusi, jǝbɔ lɔ Andarawasɨ.

Markus 1:33

Nǝngɔ nǝbɔ a tuulɔ gɨɨ gwam a mʊrka a nyanga lɔngɨ.

Markus 3:1

Kaa di tag Yesu ba dɔ kan mɛlalɨgɨɨ, nǝngɔ a kuwo kaa nǝl wʊnɨ kangɔ a swam swamɨ yɨm woi.

Luka 4:23

Yesu a sʊwa gɔ, “N nyǝm jǝ́ sʊwa ɨ sʊwa ɨ mʊsǝn kɛl nɨɨ, ‘Nǝ bʊʊ, gung dul mʊnɔ nǝn kang mʊn. Kanjǝl nɨ nǝn nyʊwa mʊ maa a Kafarnahumi, maa fɔ tag a tuulɔ mɔ.’ ”