Markus 1:14 - Dadiya NT

¹⁴ Nǝn kwama ja kubʌl Yohana a lɔsomii, Yesu a dɔ mʊgɔ Galili kiyo nǝbɔ gǝm fulon kɛl lǝmɨ Kwaamaɨ lɛ.

Markus 1:14 Referans Kwoze

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Matta 4:12

Yesu a nyʊwa fulon kubʌltǝm Yohanaɨ a lɔsomii, nǝngɔ a yǝla a bɛ a mʊgɔ Galilii.

Afisa 2:17

A bɛ ba kiyo fulon kɛl yɨm kwamɨgǝn a daa jen woi, jǝ́ nǝb nɨ jǝ́ kʊta a daa Kwaama woi. Nǝn gɔ a kiyo fulon kɛl yɨm kwamɨgǝnɔ tag a nǝb nɨ nǝn dɔɔmɨ.

Luka 8:1

Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Maajɨ Bɛtɔ Twamagɨɨ 20:25

“Kǝngkɔ n nyǝm gwam jenɔ mɨsɔ jǝ́ yǝla lɛ jǝ́ kuwo i wo tag, jen nɨ mǝ kɛla lɛ a kʊm jen, mǝ kiyo kɛl fulon fɔlɔn lɔ Kwaamaɨ lɛɨ.

Matta 14:2

sʊwa nǝbɔ maa gǝm maajɨ lɛɨ gɔ, “Wʊnɨ nǝn Yohana nǝ Yʊtǝm mwɛ Sagsagɔ, a bʊla, a gun nǝn kʊlɨɨ. N jʊ a bwɨ a nya kwaan maatǝm kanjǝl laatǝm kangɨ.”

Luka 3:20

A dɨltǝm, Hiridus a sʊ dul gǝnɔ gǝm bwɨlangkɛl a tatǝmɔ ga ta Yohana ga mal a lɔsomii.

Matta 11:2

Kwama gɔ Yohana nǝ Yʊtǝm mwɛ Sagsagɔ gǝ na a lɔsomi, nǝngɔ a nyʊwa kanjǝl nɨ Kiristi maa lɛɨ, nǝngɔ a twam bɛtɔ mɛlalɨ gǝnɔ a daa gǝ woi,

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.