Markus 1:11 - Dadiya NT

¹¹ Nǝngɔ ja nyʊwa diilɔ a dʌbʌl kwama sʊwa lɛ gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Markus 1:11 Referans Kwoze

Markus 9:7

Nǝngɔ lulɔ ba sum jii, nǝngɔ ja nyʊwa kaa diil a mʊgɔ lul sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Jǝ́ nyʊwa gǝn.”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 5:37

Tɛtɛ mɨ nɨ a twam ɨɨ, nǝn gɔ nǝn kang gǝn a yǝlam nǝ nǝtǝm nyiyo a dul mɨɨ. Jǝ́ nyʊwa bɔ diil gǝnɔ wo naa win. Jǝ́ kuwo bɔ kǝga gǝnɔ wo tag.

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Luka 9:35

Nǝngɔ ja nyʊwa kaa diil a mʊgɔ luli gɔ, “Nʊ nɨ nǝn Bʊla mɨ mǝ jǝgǝmɨ. Jǝ́ nyʊwa gǝn.”

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Matta 12:18

“Bwɛ jwaalɛ mǝndɨ n wɔ, wʊnɨ mǝ jǝgǝmɨ, nʊ mǝ swɨ lɛɨ, mǝ nyʊwa fulotǝm nǝl lɛ nǝn gǝ dangǝnɨ. Mǝ dǝg gǝm dǝg Yʊwa mǝndɨɨ, nǝn gɔ ba sʊwa Bʌtʌbɔ gɔ n mwatɨ borangɔ dǝngdǝngɨ.

Markus 1:10

Kwama nɨ Yesu jelʌm lɛ a mʊgɔ mwɛɨ, nǝngɔ a kuwo kwamagɔ a wumoi, a kuwo Yʊwa Kwaamaɨ gǝla lɛ na kumfiyo a dul gǝnɨ.

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”