Luka 9:51 - Dadiya NT

⁵¹ Kumɔ jǝ dem gǝn nɛ a dʌbʌli a dwama, sɨn yɔtǝmɔ lɛ a Urushalima.

Luka 9:51 Referans Kwoze

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Luka 18:31

Yesu a wɔɔ bɛtɔ mɛlalɨ gǝnɔ kʊb jeli yoi a keli, nǝngɔ a sʊwa ji gɔ, “N wɔ bǝ gwi bǝ yi a Urushalima, a daa nɨ gwam jʊtǝb nɨ nǝbkuwotǝmkǝgagɔ a mʊla a dul Bʊla Nǝlɨ, yii yii.

Luka 13:22

A ta yɔm gǝnɔ bwangtǝn tuulɔtɨnɔ lɛ jǝbɔ bɛlɨ tuulɔtɨnɔ. Nǝngɔ maa jim mɛlalɨgɔ lɛ a gola Urushalimaɨ.

Luka 17:11

Kwama nɨ Yesu a shum a Urushalimaɨ, a bwangtǝn a yǝga tǝm Samariya jǝbɔ Galili.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Afisa 1:20

a gung Kiristi a bwaaɨ, a nǝ gǝn yɨm a kang jajǝng gǝn a dʌbʌl kwamaɨ.

Maajɨ Bɛtɔ Twamagɨɨ 1:9

Nǝn kwama a sʊwam kɛl nɨɨ, jǝ dʌng gǝn nɛ, nǝngɔ Kwaama a do gǝn a shu nǝn a dʌbʌl kwamaɨ. Lulɔ a sɔm gǝn, ja kuwo gǝn bɔ tag.

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 16:5

“Kǝngkǝnɨ mǝ yǝla mǝ yi a daa nʊ nɨ a twam ɨɨ. Mɨ nǝn nʊ nɨ a kʊm jen a bʌ i gɔ, ‘Mʊ yi a fei?’

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Luka 24:51

Nǝn kwama dǝgǝm jim bwiligɔ lɛɨ, nǝngɔ a bǝla jii, nǝngɔ ja do gǝn a dʌbʌli.

Luka 19:28

Yesu a sʊwa nyɨɨ, nǝngɔ a ja kǝga jǝ gwi jǝ shu lɛ a Urushalimaɨ.

Luka 19:11

Kwama jǝ nyʊwam katɨ nɨ lɛɨ, nǝngɔ jǝ kuwo lɛ maamɔ fɔlɔn lɔ Kwaamaɨ gǝla gǝla tʌgo a kang. N jʊ a bwɨ Yesu a sʊwa ji mʊsǝn kɛl nɨɨ, kwama ba dwama Urushalimagɨɨ.

Luka 12:50

Mǝ nǝn mwɛ sagsag nɨ jǝ yʊ ɨ lɛɨ. Mɨ mǝ nǝn fǝbtǝm na a dɨ bɨɨ.

Filibii 3:14

Mǝ sɨn nɛ n ja kǝga sǝ n yo lǝma. Lǝma nɨ Kwaama a jo i a dʌbʌl kwamaɨ, a kɛl dul Kiristi Yesui.

Luka 9:57

Jǝ shu lɛ a gola, nǝngɔ kaa nǝl a sʊwa gǝn gɔ, “Daa nɨ mʊ yɔm lɛ gwamɨ, mǝ bwang mʊn bwang.”