Luka 9:11 - Dadiya NT

¹¹ Nǝbɔ a kuwo nyɨɨ, nǝngɔ ja bwang gǝmɨ. A yo ji. Kiyo jim fulon fɔlɔn lɔ Kwaamaɨ lɛ. Nǝngɔ a gung nǝb bɔɔlamɨ.

Luka 9:11 Referans Kwoze

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Roma 15:3

Kiristi nǝn kang gǝn a maa bɔ swɨtǝm dul, kanga a mʊla mʊlaɨ gɔ, “Tuwol nɨ jǝ maa mʊn nɛɨ, gǝ tǝla a dul mɨ.”

Roma 10:14

Jǝ maa keli nyǝn a daa nʊ nɨ ja nǝ bɔ bɨlǝngkɛl a daa gǝ woi? Jǝ nǝ bɨlǝngkɛlɔ nyǝn a nʊ nɨ ja nyʊwa bɔ woi? Jǝ nyʊwa nyǝn tag na mɨ nʊ nɨ wo a kiyo jimi?

Maajɨ Bɛtɔ Twamagɨɨ 28:31

Ja kaa gǝn bɔ a kiyotǝm kɛl a dul fɔlɔn lɔ Kwaamaɨ, mɛla jim kɛl Tɛlalɔ Yesu Kiristii lɛ kǝga jǝbɔ kǝga, mɨ taal wo.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Luka 9:2

A twam ji sǝ ya ja kiyo fulon fɔlɔn lɔ Kwaamaɨ, ya ja gung nǝb bɔɔlamɔ lɛɨ.

Luka 8:10

Nǝngɔ a sʊwa gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. Tangǝn nǝbɔ mǝ sʊwa ji mʊsǝn kɛltɨn, sǝ na ja kuwoi, mɨsɔ jǝ nyǝm lɛ, sǝ na ja nyʊwaɨ, mɨsɔ jǝ fɛta lɛ.

Luka 8:1

Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Luka 5:31

Nǝngɔ Yesu a jǝla ji gɔ, “Nǝb nɨ kwamɨgǝnɨ mɨ jǝ yɔ lɛ a daa nǝ bʊʊ woi, n nǝbɔ mɨ kwamɨgǝnɨ gǝ yɔ lɛ woi.

Luka 1:53

A ja nǝn nǝb nɨ nyʊwa jʊwan nɛɨ nǝn kanjǝl nyan. A kaa nǝb shilogɔ kangɔ kwakwa.

Matta 21:43

“A dul kɛl nɨɨ, mǝ sʊwa jen nɛ, jǝ yem yem fɔlɔn lɔ Kwaamaɨ a kang jen, sǝ ja nǝ nǝb nɨ maa Kwaama gǝm jǝ nyan nɛɨ. [

Matta 21:31

“A mʊgɔ ji nɨ yoi, n nʊ won a maa jʊ tɛtɛ ji swɨ lɛɨ?” Nǝngɔ ja sʊwa gɔ, “N bwɛ tɨkǝgagɔ.” Nǝngɔ Yesu a sʊwa ji gɔ, “N bɨlǝngǝn mǝ sʊwa jen nɛɨ, nǝb yotǝm kemʌn tǝmɔ jǝbɔ nɔɔtǝm bulonɔ jǝ dɔ dɔ fɔlɔn lɔ Kwaamaɨ ja laa jen.

Matta 14:14

A jel a tɨyamwɛng a kuwo kʌm nǝbɨɨ a mʊrka a lada nyɨɨ, bʊnatǝmɔ a ta gǝn, a gung nǝb bɔɔlamɔ a kʊm jin.

Roma 10:17

A dul kɛl nɨ, nǝtǝm bɨlǝngkɛlɔ a bɛ a nyʊwatǝm twama. Nyʊwatǝm twamagɔ a bɛ a kɛl kiyotǝm a dul Kiristii.

Matta 12:15

Yesu a nyǝm nyɨɨ, nǝngɔ a gun a bǝla daa gɨɨ. Nǝbɔ a lada nyɔ a bwang gǝm, nǝngɔ a gung ji gwamɨ.

Luka 9:10

Kwama nɨ bɛtɔ twama gǝnɔ a yǝlamɨ, nǝngɔ ja sʊwa Yesu kanjǝl nɨ ja maa a yɔm jinɔ gǝmɨ. Nǝngɔ ja waam ja shu jǝbɔ gɔ a kaa tuulɔ nɨ jǝ jo lɛ gɔ Betsaidaɨ.

Luka 9:12

Kwamagɔ lɛ lɛɨ, nǝngɔ kʊb jeli yo nɨ a kʌl a bɛ a daa gǝ woi, ja sʊwa gǝn gɔ, “Ywa nǝb nɨ a mʊrkaɨ sǝ ja dɔ bɛlɨ tuulɔtɨnɔ jǝbɔ daatɨn nɨ fɔ nǝn dɔɔmɨ sǝ ja saa jǝjalǝnɔ wo jǝbɔ daa shigtǝmɔ. Jʊ a bwɨɨ, daa nɨ bǝ woi mɨ nǝb wo.”