Luka 8:1 - Dadiya NT

¹ Yesu a ja kǝga nǝn yɔmɔ. Dɔba tuulɔtɨnɔ lɛ jǝbɔ bɛlɨ tuulɔtɨnɔ. Kiyo fulon kɛl lǝmɨgɔ lɛ a dul fɔlɔn lɔ Kwaamaɨ. Bɛtɔ mɛlalɨ gǝnɔ kʊb jeli yoi wo dakini jǝbɔ gɔ.

Luka 8:1 Referans Kwoze

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Roma 10:15

Maa nyǝn nǝb kiyotǝmɔ kiyo lɛ na ja twam ji bɨɨ? Kanga a mʊla mʊlaɨ gɔ, “N jǝ bʊmǝn a nǝb nɨ a bɛ nǝn fulon kɛl lǝmɨ nɨɨ!”

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Markus 1:39

Kɛla lɛ a mʊgɔ Galili, kiyo kɛl Kwaamaɨ lɛ a kantɨn mɛlalɨ, jǝg nǝbɔ gǝm nǝblaamɔ lɛ.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

Matta 11:1

Yesu a dɨ mɛlatǝm bɛtɔ mɛlalɨ gǝnɔ kʊb jeli yoi gǝm kɛl nɨɨ, nǝngɔ a gun a daa gɔ a shu ya mɛla nǝbɔ gǝm lɛɨ, kiyo jim kɛl Kwaamaɨ lɛ a tuulɔtɨn jini.

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Luka 1:80

Nǝngɔ bwɛ dwalɨ nɨ a dʊʊl a mʊgɔ kʊlɨɨ. A yɨ a mʊgɔ kuul, a bɛ nǝn a kumɔ a nʊng dul gǝnɔ a daa nǝbɔ Israilaɨ woi.

Luka 9:6

Nǝngɔ ja gun ja dɔba mʊgɔ bɛl tuulɔtɨnɨ, jǝ kiyo fulon kɛl lǝmɨgɔ lɛ, jǝ gung nǝb bɔɔlamɔ lɛ.

Luka 20:1

Kaa di Yesu a dɔ Kan Kwaamanɔ, maa mɛlalɨ lɛ, kiyo fulon kɛl lǝmɨgɔ lɛ. Nǝngɔ dʊʊm nǝbkǝlamɔ jǝbɔ nǝb mɛlalɨ diilɔ dakini jǝbɔ nǝb dʊʊmɔ ja bɛ nǝn dɔɔm a daa gǝ woi,