Luka 7:42 - Dadiya NT

⁴² Pʌd jinɔ ja nya bɔ kemʌn nɨ jǝ ywa gǝn nɛ nǝnɨ, nǝngɔ a kǝlǝm jimi. Mɔ kuwo lɛ a kʊm jini nuwo swɨ nǝ kemʌn nɨ lɛ a laa a wini?”

Luka 7:42 Referans Kwoze

Kolosii 3:13

Bɛ ka jǝ́ tabka lɛ a nǝl. Na kaa nǝl nǝngǝn nǝn kɛl jǝbɔ kɨla gɨɨ, bɛ ga kǝlǝm gǝm kanga Tɛlalɔ a kǝlǝm jemi, jen tʌjen bɛ jǝ́ kǝlǝmka.

Afisa 4:32

Bɛ ya jǝ́ maaka jǝ nyan nɛ, jǝ́ jika bʊnǝn nɛ, jǝ́ kǝlǝmka lɛ kanga Kwaama kǝlǝm jem lɛ a gola Kiristii.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Roma 5:6

A dǝngdǝng kwama nɨ, kwama lǝga bɔ bǝ kwamɨ, Kiristi a bʊla a kɛl dul nǝb nɨ a nyǝm bɔ Kwaamaɨ.

Roma 3:24

Kwaama a dǝg ji ja yǝlam dǝngdǝng a mʊgɔ lǝma gǝnɔ gǝm nǝn kwan, ja nya jǝgtǝm dul nɨ a gola Kiristi Yesui.

Matta 18:34

Tɛlalɔ gǝnɔ a nyʊwa nabwɨl dangǝn, nǝngɔ a dǝg gɔ ja nǝ gǝn gaalan, ka ja dem gǝm lɛ kang na ga ywa bɔ naan nɨ gǝ bwang gǝm lɛ gwamɨ.

Matta 6:12

Kǝlǝm bǝm bwɨlangkɛl bǝnɔ, kanga bǝ kǝlǝm nǝb nɨ gǝm lɛ a maa bǝm bwɨlangkɛlɨ.

Matta 18:27

Nǝngɔ tɛlalɔ bwɛ jwaalɛ nɨ a ji bʊnǝn gǝnɔ a dem gǝm kangɨ, a kǝlǝm gǝm naanɨ.

Luka 7:43

Nǝngɔ Saminu gɔ, “A kuwotǝm mǝndɨ n nʊ nɨ a kǝlǝm gǝm kemʌnɔ a ladaɨ.” Nǝngɔ Yesu a sʊwa gǝn gɔ, “Ń mwatɨ borangɔ dǝngdǝng.”